[الهداف]

تحياتي واشواقي للجميع

ياللي على العالـم تمثـل وتحتـال=كم ضيع المحتـال فرصـه ثمينـه
مد النظر بالـدرب ياطيـب الفـال=قبل هـوا نفسـك تجيلـه رهينـه
والوقت لو يضحك لك ايـام قتـال=واسبابه الأنسـان زينـه وشينـه
وش عاد لوانـه بممشـاه يختـال=ولايسكن الا في قصـور المدينـه
لابد من يوم(ن) على المتن ينشـال=للمنـزل اللـي بالثـرا حافريـنـه
الله يجازي الناس من جنس الأعمال=وكـلٍ يحصـل ماتقـدم يميـنـه
بعد الهدو يحدث عواصف وزلـزال=لاكن وين اهـل القلـوب الفطينـه
ترى الزمـن دوار والقلـب ميـال=ودلاايـل الأنسـان قلبـه وعينـه
ولاكل من يركب على الخيل خيـال=ولا كـل مايلمـع حجـاره ثمينـه
والبحر ماينقص منه عشر مثقـال=ولايزيـده كبـر حجـم السفيـنـه