بسم الله الرحمن الرحيم
ارجو ان تقبلووووون مني هذه الهدية المتواضعة وتعذروني على قصر ابياتها وهي هدية لاخي العزيز ابوسهم
ابوفحم
[poet font="Arial,4,white,normal,normal" bkcolor="transparent" bkimage="backgrounds/22.gif" border="double,4,orange" type=0 line=200% align=center use=ex length=190 char="" num="0,black" filter=""]
باسم الولي منزل تبارك والانفال = رب ٍ علم بالخافيه دق وجـــــْـــلال
قدام اشرشح صاحب القيل والقال = باسم الإ له ابدع من الحرف قافين
قافين مانبغى تطول المسيره = نبغى نعلم من عــــــلومه كثيره
حنــّـا نعاف التاليه والكسيره = يابوسهم هذي صفاة السراحين
نهرف كما السرحان في تالي الليل = ماناخذ الا كل شيخ ٍ وحلحيل
ولا كثيرات الشحم خص ٍ الحيل = نضرب مابين الحنجره والشرايين
هذي سواة الزاحف اللي زحف فيك = لولا ه مومن كان زلزل اراضيك
لكن خذاك بلين واصبح يهاديك = ويفرش لك ورود وزهور ورياحين
لو كان لي رغبه ترى اجيك واغفصك = ولو كنت هاوي لابلشك ثم لاخرصك
مير الحقيقه بس حبيت انا اقرصك = قرصه بسيطه ياخوي الشياطين
الزاحف اللي مازحف غير عراف = يزحف ولاحد عنه يدري ولاشاف
يخلف عميله لابغى اخلافه اخلاف = يودع صحيح العقل يصفق بكفين
وربعي معي مابين فارس وفارس = ربي لهم من عين الاعداء حارس
من روسهم ماهي علوم المدارس = ربعي هل الدنيا وربعي هل الدين
بقيادة الشيخ الجليل المعظم = ابو عمر عقل ٍ حكيم ٍ منظم
لاجيت يمه تشتكي او تهضم = ابشر بعزك عند عز الضعيفين
والفارس اللي ماتجيه الحكايا = موصاحي اللي تمتنيه الصبايا
من زود فعله يوم كسب المنايا = يومك ومثلك لاحتمى الهوش مقفين
وراعيها فارس للصعيبات مقدام = يوم ان طير الموت من فوقكم حام
قال اقعدوا خلفي وانا دوم قدام = مادامني حي ٍ تراكم سليمين
ولا انت ياهريان مافيك طمعه = معذور لو جبت اخر الليل رمعه
والحال تنبي به عن الهرج دمعه= سالت من عيونك سواة النساوين
حزبك خذلته يوم تنشق وتبكي = هو مرتبك وازداد الارباك ربكي
والحمد لله نصفهم وسط شبكي = والنصف الاخر هج والناس ممسين
خلوك تبقى يالسلوقي لحالك = من عقب ماالزاحف زحف لك وجالك
حتى ولد عمك وجدك وخالك = قالوا سـفــيه ومـن كلا مه بــريــيـن
قالوا ترانا مادرينا عن الحال = كنا نحسبه راعي اقوال وافعال
مير الحقيقه صار نصاب دجال = زبال يلحس مابقى فالمواعين
قلت ابشروا بالخير والطيب والعز = تفضلوا فوق المفاطيح والرز
ماخبر ابه حبل ٍ وقف يوم لو رز = الحبل طاح وودعوه المخاوين
لكن انا باقول والناس للناس = هذا المثل خلوه ياناس نبراس
قال المثل ماخــْـبلك ياطابخ الفاس = تبغى المرق من طبخ ذا الفاس ياشين
تطبخ حديده جعل ذرك عفازي = ياللي وجودك مع عد مه متوازي
تكذب وتعلن حزبك اليوم فازي = وانتم هتيت وتالي الوقت مخزين
مانته بفايز لا ولاحولكم فوز = ادخل رويسك وادفنه داخل القوز
يافورد خلك وش يجيبك مع بنوز = موديلها اربع من بعد عام الالفين
لاجل الطلب جابوا جميع التصاميم = قدام تصدر واعلنوا فالتعاميم
هذي لاجل فرسان حزب وشغاميم = موصاحي وحزبه والاعداء مبطين
بيبطون والله والتخلاف عاده = لاهل المعاند والغثا والقراده
ابوسهم عينه سواة الجراده = يبغى القصيد ولا يعرف التلاحين
وابوفهد جنبه يشيل المواويل = نوب ٍ يشيل ونوب يزري من الشيل
راحت حياته كل ابوها بهاذيل = وازرى يرقع بين حسان وحسين
وابن شطيط اللي معه دوم دله = خايف يجي بكره يدور أخله
هذا كلامك تمدحه او تذله = يابوسهم حنا معك دوم ماشين
شامل تقول انه مع العنز دايم = كفوه مادامه حارس ٍ للبهايم
هذا كلامك يارفيق الندايم = منك الافاده ياردي المضامين
وريال فسحه نصفه اليوم مشقوق = منثور فوقه من هل البيت مرقوق
عمله قديمه 00كرته اليوم محروق = تلقى الخبر عند الفريق الموالين
ولا البدر ياشين فينا ومنا = وان كان يبغى قربكم ماشحنا
خله يشيل ضعونهم عن ضعنا = وقل له تراكم يابن الاجواد بادين
يابوسهم خلك وعشش على القرد = لايجي لك اقرد منه وتصيح للفرد
واجمع بقايا حزبك اللي غدوا شرد = وامشوا مع الغبشه علىابو دخاخين
دور لك ارض ٍ واشتغل فالزراعه = ولا تعلم صنعة اهل الصناعه
ولااشتغل ساعه وصاحبك ساعه = ترى معك ناس ٍ بالاشغال واعين
مالك ومال المعركه والمشاكل = فالراس ضغط وفالمفاصل تئاكل
ميراحمدلله يوم تشرب وتاكل = بهيمة الله وسط خضر البساتين
مانته ببومه لا ولانته بابوذيل = ولانته بفارس ينطح القوم والخيل
انته شبيه اللي يجيبه لنا السيل = والسيل يقشع مالقى فالمعاطين
اطلـُب من الوالي عزيز الجلالي = رب ٍ علي ٍ في سماه متعالي
يجعل كلامي من حسين المقالي = يوم العرب مابين صايب ومخطين
واحد يصيب وغيره الفين ماصاب = يرمون رمي ٍ وسط وديان وهضاب
رميه في حيد وتالي الرمي ف تراب= ضاعت علوم اهل الفشق والنياشين
بشر طرايد صيدهم بالسلامات = باح الرصاص وصيدهم مابعد مات
حتى على الشاره تبين العلامات = ماحد ٍ طرحها مير الاخوان ضارين
دايم مكاسبهم تعوّد ولاشي = اهل النعومه والترف والهشاشي
ثم ان يجيهم فالعظام ارتعاشي= قالوا تعبنا وين صيد الكراتين
عادوا على راع الدجاج فحراجه = كل ٍ شراله حبة ٍ من دجاجه
كل ٍ يدور وسط سوقه خراجه = تفاخروا بالصيد عند البزارين
قد قلت لك يابوسهم لا تهبد = الزم حدودك ياغشيم وتركد
بيجيك مني ضعفها لا تنقد = عندي على ذلك شهود وبراهين
وقد قلت لك مره ومره ومرات = خلك في صفي خل مافات قد فات
لكن تموت وباقي ٍ فيك لفات = ياللي تحب رقاب بعض المزايين
جبت اربعين وليتها اليوم ماجت = اللي سرت واللي مع القوم حجت
ماهي مزوح الا كلام ٍ مثبــْــــت = ارجع لها مانقبل الكاش بالدين
مسكين ويا العين هاذول ثنتين = والثالثه جبت المعادين من وين
سكين تاكل وانتبه لام حدين = انشبت نفسك مع صعوط المجانين
خابت عليك اليوم يافلان خابت = يوم ان بيوتك يابن الاجواد شابت
هذي مزوح ومعكم اليوم طابت = جبت اربعين وعودت لك ثمانين
والخاتمه يالله يقين وثباتي = فالاخره وف دنيتي والمماتي
وارجي عسى ماتكثر السيئاتي = ياقاري ٍ خطي طلبتك قل آمين
[/poet]