السلام عليكم ورحمة اله وبركاته..
واهلا وسهلا بالجميع ..
للتواصل : آملا ان تنال اعجابكم ورضاكم.........
في ظرف ساعة زمن بتاريخ 16/2/1427هــ
8
8
8
8
قم يانديبي واشقر البن زله=من دلةٍ فوح عرقها المناره
اسكب لنا فنجال في الرآس عله=له مدةٍ يشكي على احتضاره
وقرب لي الديوان شعرٍٍ بهه=شعرٍيخلد في سجل الحضاره
لاسترسل المعنى تراني بهله=مير انتبه واكتب بفن ومهاره
ماطاب لي حظي مع الوقت لله=في كل عامٍ زايد في انثباره
ياكم من خلٍ نسى اليوم خله=وياكم من ميتٍ حفظنا وقاره
وياكم من سيفٍ يمينه تسله=وياكم من سيفٍ نسينا انتصاره
بعض العرب يشفيك قوله وفعله=يشيل حملٍ ماتشيله عماره
حكيم قومٍ كلمتة مستدله=ريفٍ على الملتاع يرخي ستاره
قليل شكله لانطق ماتمله=كريم سبلاًمايحسب الخساره
يظل بعض الناس في خير ظله=يستوحشه ربعه وضيفه وجاره
هذا اللذي فرقاه في القلب عله=لامانسيته دائما في انظاره
وبعض العرب يرتاع من شوف ظله=ضعيف نفسٍ مايقدي مساره
لاشفت انا شكله تقل فيه خله=يدرج مع العربان كنه حماره
كلمه تعقدبه وكلمه تحله=يتبع سفاف الهرج في كل حاره
عند اللزوم اليابغيناه دله=يعيب عار الناس ماشاف عاره
يتوه في ممشاه منهو يدله=خطرٍيضيع القايله من نهاره
يجهز زمانه مايعرف الاهله=فرقاه عيد وجيته لي ...ــــــاره
شيءٍ يحرّم به وشيءٍ يحله=له ملةٍ يجهل جهلهاوزاره
واللي تكبر خله اليوم خله=-لاناشدٍعنه ولا آبي اعتذاره
واللي تواضع قله اليوم قله =الطيب الوافي نزيد اعتباره
شل القصيداللي كتبناه شله=هذا حكم عايش وهذا قراره
قلته وانا من لابةٍمستهله=اقصى علاويهم الابرق وكاره
آلال عامرمجمدهم ماوصله=ياكودقوم مدهم فيه تاره
انااقول الحق والشاهد الله=من لابةٍ يقدح نظرهم شراره
صنادلــه يوم الملاقا معّله=قبيلهم كسره صعيبٍ جباره
قلته وقولي وازنه في محله=واشره على اللي مايحرك مداره
فمافيه عزٍكود تاليه ذله=ولابه كبيرٍمايذوق المراره
الا الله المعبود سبحان جله =هو الكبير اللي عزيزٍبداره
له ملةٍ تشرع بها كل مله=هو درعناعن كل شر وغاره
تمت وصلواعدوبلٍ تهله=سحابةٍ غراء مطرها هماره
على النبي المصطفى خير خله=حرٍ حمى دينه وزاد انتشاره
وسلامتكــــــــــــــــم...وتحياتي وتقديري لكل من عطر متصفحي بمروره الكريم