أهدي لكم هذه القصيده وهي للشاعر مبارك بن جلوي الظفيري
من مراجيح الطفوله والجهل في مولـدي=للزمان اللي تـردّى ماحسبنالـه حسـاب
كنت أقول الطيب يبقى والجروح بتهتـدي=لين ميزت الحقيقة وأصبح الواقع سـراب
غلطتي كانت كبيره والثمن كـان جهـدي=والطريق اللي سلكته كل مشاويره عـذاب
كم رجيتـك يازمانـي لاتعكـر مرقـدي=كم تسببت بعذابي شفنـي بحـال اكتئـاب
ياعضيدي كون حازم لايغـرك مشهـدي=والدليل الحر وكره صار من حظ الغراب
شوفها صكات بقعا من نصيب الأجـودي=والردايا ياعضيدي صاروا بحضن السحاب
ضاقت دروب العطايا عن هكالوجه الندي=وللوجيه الجرهديـة ينفتـح ألفيـن بـاب
يفتل أشنابه كبير الشـان ثـم راح يعـدي=ماتنال من الوعد ياكود لمحـات السـراب
الرجل لو عاش عمره وش نصيبه يابعدي=يكتفي بالقطعه البيضا مـع حفنـة تـراب
جعل رجل(ن) ماسعى للطيب ليله سرمدي=ينجلي ليل الفرح .. ويسود بعيونه الخراب
الوفا والطيب والشيمـه تراهـا مقصـدي=مايجنبني دروب الطيب تكثيـف الضبـاب
والصبر دامه جوادي والرسن صار بيدي=الرجا بالوالي المعبـود حـلال النشـاب
وياكفوفي لو نخيتـك لاترديـن أجـودي=جمليني وارفعيني واسلكي درب الصواب