[أبو حمود]

( سلطانة الهجاء )

ألف.. باء بديت من الهجاء وفتحت الباب= على كل طرق بيت أفنه يجي وافي
ليا شاب قافي شاب راسي وهو ما شاب= يشيب الرضيع وما بعد شاب من قافي
أحول بغبات البحر و أشرف المرقاب = وأغوص البحور الغمق لين أظهر الصافي
أشكل و أضبط كل حرف من الأعراب= ودور عسير القاف و أصنع منه قافي
مخيل أتخير من جزيل الشعر ما طاب= أخلي الهزل و أخذ من الكايد الوافي
مجيب مصيب و أعجب المعجب العجاب= كفيف الهوى كفي على الكافبه كافي
الآحي هبايب نجد وجدي على الأحباب= عليهم وجودي من هوى الوجد مشغافي
أنا لا ذكرت الي مضى قمت احسب حساب= ظهر كل خافي و أختفى كل من شافي
بسلي عيوني بالعبر لو رجاها خاب= على حظي الطايح سفا فوقه السافي
وأنا لو هقيت أن القمر لاظهر ما غاب= تبعته لو أوطى بالقدم شايكه حافي
عزيز الهوى معطاب جرحه قعد ماطاب= تمثنى علوق القلب متلاف يا كافي
ألف.. باء بديت هجاء مدح والعيوب غياب= مثايل حسن يطرب لها كل عرّافي
فدا كل عام بيت فوق النوايب ناب= على كل بيت وقف و لا طافي
ليا شاب وصفي شاب راسي وهو ماشاب= يشيب الرضيع و ما بعد شابت أوصافي
جواه الراء لو المدح كان أعتاب =أجل من مثله يستاهل المدح يا لافي
جمال و دين و حسن خلق و علم و آداب= فوق على هذا آدمي و العقل وافي
وزين رزين بالعقل للعقل نهاب= عفيف نظيف كامل الزين مترافي
نعيم نديم ناعم و الخصر مقطاف= وخده كما برق به الوسم متقافي
أليا من تبسم بالدرر بو ثمان أعذاب =صطع نور خده وأجهر الجوهر الصافي
أنا ما خبرت أو شفت زين بعدها و طاب=حسين النبا زينه على القاف نوافي