[ربح السبيعي]

المشاركة الأصلية كتبت بواسطة ابن بداح

من قصائد المناسبات عساها تحوز على شرف رضاكم .

من ضمير الشاعر اللي في لزومه ما توانا= ما يفوت دعوة الغالين قدر الاستطاعه
في حفل مطلق ومطلق عند ابن مجفل دعانا= ابن مجفل شيخنا والعز مرفوعٍ شراعــه
كلنا حضار والترحيب يبداء به حدانا=ويتشرف كل من يحضى بتشريف الجماعه
مرحبا ترحيبـةً جزله تليق بمستوانا=شامخـه مثل القمر وصفـه ولونــه وأرتفاعــه
للرفاقه والضيوف ولخويانا وقصرانا=وكل من شرف وشاركنا شعوره وانطباعــه
ليلةٍ غراء وفيها تكتمل غاية منانا=نتعتبر جمع الرجال الطيبين أكبــر طماعــه
بيض الله وجـه من لبا لدعوتنا وجانا= والله انها كلمةٍ من قلب وأخلاص وقناعــه
قدم سمحين الوجيه اللي لهم وزن ومكانا= في منصاة الحفاوة وأمرهــم سمعً وطاعــه
الشحم والبن والهـيل الخضر والزعفرانا= ألحقوها سوقـة الكنبود الاصلي واندلاعــه
وفي مجال الشعر حطوا مايكرفون ومهــرجانا= واعلنوا عنها لــحقين الجرايد والإذاعــه
وأوكلوا . تقديمها لمجرباً فيه أتزانا= دارسٍ فن الخطابه والمرونـه والبراعــه
يزهم الشعار بالترتيب من صدر البيانا= حسب ترشيــحه وتحليـله وكلٍ من ذراعـــه
من توفق في محاريفــه تصفق لـه يدانا=المعرفه واسعه والشعر بحر بدون قاعــه
والتجارب تظهر المضمون يالله المستعانا= كل ما زادت سنين الاادمي زاد أطلاعــه
المهم نعانق الاذواق لا دارت رحانا= والعلوم الغانمـه لصـحابها مثل الوداعـه
من عوائدنا وورث أجدادنا واسلوم ابانا=المخـوه والمروه والمكارم والشجاعــه
أسمنا الغلباء لمن حاول يوقف في نحانا= حربنا سـموه شيخان القبائل ســم ساعــه
قالها راكان ومحيف على بيض السمانا= وقالها تركي بعد غنــى على رآس الرفاعــه
والمهادي يوم كرمناه بالحســنى جزانا= حيث راع الاوله ما يلحق شبره وباعــه
أسمنا عز الخوي والجار فزعـة من نصانا= نحتسي للضيف مثلوثـه على سفرة متاعــه
بالمفاخر تنبت أزهار أرضنا وامطر سمانا= الجمائل كنها مزروعةٍ فينا زراعــه
من فضل رب العباد اللي من افضالـه عطانا= ما خذيناها بتقليب الحقائق واللكاعــه
الفخر لاهل الفخر ما يجحده لاانتم ولا انا=كل دارٍ به هله والمجد ما ضاق أتساعه
في الختام أزكى صلاة الله على سيد ولانا= الرسول الهادي المختار في يوم الشفاعــه

ياسلام على الابداع يابوعبدالله


اردت ان أقتبس بعض البيوت واحترت


قصيده جزله وقويه وتثبت بعض من فعول الغلباء


لاهنت يأبو عبدالله وأنت من الشعراء الذين بذلو من جهدهم الشي الكثير


من أجل القبيله ولايستغرب منك والقبيله لن يوفون شعارها حقها مهما قالو


لك شكري وتقديري