ياسعدالأحلام واجد ويعرفها البصير
خص شخص جرب الوقت مده ونهوه
والرحى تندار والوقت معها يستدير
والدلالة معرفة والمواقيف ضروه
واعرف إن الحلم غامض وفوق جناح طير
والدلي تصفق على الجال والبير جهوه
وأنت شفت الحلم بالعين مع ورد وصدير
لو قرب من خاطرك وابتعدعنك سعوه
مير لاتنظر زمانك بمنظور قصير
لو تجي سكان جدة بعرق الثندوه
والسفارة سحب منها الموظف والسفير
والجلاوي عارضه ناس ماهم بجلوه
وانت في تفسير الأحلام ماتبغي شوير
لك شهادة من هل العرف ماهيب زروه
رحلة أهل الجوف خمس الدقايق من عسير
والسفر للقلب سجه وغايه وشهوه
مطلع الدنيا يابو زيد بوابة خفير
والطريق اللي يودي لها فيه حنوه
لاتضمد جرح شخص ولا تجبر كسير
والمطر ينبت ربيعه مثل نبت ثروه
لو جذب خافي ضميرك سلك من حرير
ون ضربك جو يطرد سرابه بدهوه
سلم المفتاح شيخ العرب شباب كير
وأنت تبغي الحق ماعاد للحق طروه
الشاعر /محمد بن فراج بن عمر المجمعي السبيعي رداً على قصيدة الشاعر /سعد بن عويد المجمعي السبيعي والتي قد نزلناها لكم من قبل ووعدناكم بالردعليها