|
صوت وصدى1
كُتب : [ 08 - 07 - 2006 ]
يابوحمد ويـن انت وين المراسيل
ياما انشغـلت بطارشك واحتريـته
ماقلت وش سويت مع شمعه الجيل
هـو أخـتـفى عـن قصـد والا حديـته
يابو حمد هو ميـل واللي معه ميـل
ومهما طلبني نـور عيـني عطـيـته
حبه سلب عقـلي وشفـت الغرابيـل
مقسوم مدري كيف جـاني وجـيـته
قلبي هـوى ماهي سوالف وتمثيل
والله كـتـب فـيـه العـنا واهـتويتـه
يابو حمد مرهون للجـدي وسهيل
غـلاي والـلي بالشـدايـد نـصيـتـه
ــــــــ الصوت ـــــــ السبع501ــــ
اهلا هلا واعداد رش الهمـالـيـل
باللي يعـاتـبني على اني نسيـته
ترحيبةٍ من قلب مخلص وبالحيل
وكان الفدى لرضاه روحي فديـته
واللي تبي مالي عليهـم مداخيـل
اما أطـلـبه بالجـاهـ والا شريـته
يومي لهم سارح وساري لهم ليل
وياما من الحـيـلات فيهـم نويـتـه
والسالفه ياصاح ماهـي تساهيل
دورت له بـيـن البشـر مالـقـيـته
ونشدت من عينت حتى المهابيل
لآحـد عـرف رقـمه ولا دل بـيـته
هـذا وانا رهـن الطلب مثـل ماقيل
وحلفت مارجع عن طريق مشيته
ــــــــ الصدى ــــــ منقول ـــــــــــ
|