|
طعم الصراحة
كُتب : [ 23 - 07 - 2006 ]
ــــــــ صوت ـــــــ وصدى ــــ4
ياراعي العـنوان خله مثل ماكان
ابحث عن الخلآن مابين تلك وذاك
وانا يابو وجهين ماني براعي دين
مليـت من بعـديـن وأنهـيـتها ويـاك
كان العتب واللوم مايمنع المقسوم
دام بحـياتـي يـوم ماذلـني شـرواك
قلت الطريق يساروالا اليمين اختار
ماهـو بوقت اعذار هذا كلامي جاك
ودي خبربالراس راع الهوى حسّاس
ماهي سوالف ناس وتقول وش دراك
خليـتـني وأقـفيـت زعلان يابا الفيـت
وانا انتظر ماجيت أثرك على عمياك
تلعـب مع الايام سجة وحسب أرقـام
بس الوعد قـدام يـومٍ يجـيـب أقصاك
واللي خوّيه ذيب ماشي عليه صعيب
حاسب عليها غـيـب لا دوّرك يلـقـاك
ــــالصوت ـــــــــــ منقول ـــــــــ
الفٍ هلا بالصوت نادى ولابه فـوت
دام اسمي المنعوت حطه على يمناك
علم ٍ يذب الريـع تـشهـد عليه سبيع
مانعرف التوزيع تامر وانا لارضاك
عنـدي ولا تهـتـم بالـلـي تـقـولـه تـم
من غيروين وكم ماعاش من يجفاك
ذيـب الغـداري قال كلمة وانا رجـال
والرد دون جدال عـّد الجميع احـذاك
رحت وجيت بساع بين السما والقاع
واللي لقيت انواع حتى الصغيرهناك
بس اسمع المرسول ماشاهـده لاحول
عالم بدون عقول دعـوة مـن الـشباك
ومن شان لاتغـتر طعـم الصراحة مر
مافي الحصيلة در قصديـرةٍ واسلاك
وأن قلتلي وشلون القصد والمضمون
خبرة وشوف عيون في ذمتي وعفاك
ــــــــالصدى ـــــالسبع501ـــــــــــ
|