أ خـتــار سـمـحــات الــــدروب النـظـيـفـه=الـلـي غسـلـهـا رايـــح الـمــزن بـرشــاش
يمـشـونـهـا قــــوم الـنـفــوس الـشـريـفـ=الـلــي ضمـايـرهـم نـقـيـة كـمــا الـشــاش
ابـيـوتـهـم مــثــل الـحـصــون المـنـيـفـة=مــا هــي لطـيـر الـبـوم غـيـران واعـشــاش
وحـلالـهــم لـلـضـيـف دايــــم مـريــفــه=لــو رجلـهـم يـسـرح ويـضـوي عـلـى مــاش
والـرجــل مـنـهـم مـــا يـخـلـي رديــفــه=إن مـا ت مثـلـه مــات وان عــاش لــه عــاش
وان مــات مـنـهـم رجـــل عـقــب خلـيـفـه=يطـعـن نـحــور الـقــوم ويـــرد الادبـــاش
يـعـرف هـــدف روحـــه ويـعــرف ولـيـفـه=مــا يـعــرف الـخـونـة ولا هـــو بـغـشـاش
ولــيــا رزقــــه الله بــعــذراء عـفـيـفــة=ايحـطـهـا مـــا بـيــن نـونــه والارمـــاش
مـاهــو عـلــى الـخـفـرات يـسـتـل سـيـفـه=وان طـالـعـوا فـيــه الـريـاجـيـل يـنـحــاش
حـلــو الـنـبـا سـمــح المـحـيـا لـضـيـفـه=ويـصـيـر لـــه خـــادم مـسـخـر وفـــراش
وان مـــد مـــا مـــدت يمـيـنـه قـصـيـفـة=مـــدت يمـيـنـه تـبـهـر الـخـبـل والـــلاش
والـيــا هـــرج تـلـقـى عـلـومـه طـريـفـة=مـــا هـــو لـهـفـوات المنـاعـيـر مـنـقـاش
وان شـبــت الـنـيـران مـــا هـــو بلـيـفـة=فــي سـاعــة الـكـربـة ســـواي ورشـــاش
ســـده بـعـيـد ولا أحـــد يـعــرف غـريـفـه=ولا هــو لـعـرض المـكـرم الـعــرض نـهــاش
والـشـوك فـــي جـنـبـه ســـوات القطـيـفـه=إن كــان مــا لــه بـيـت مـامــون وافـــراش
مـــا يـرتـكـي فـــوق الـخـبـول الضعـيـفـة=الـلــي لـيــا حركـتـهـا قـدرهــا طــــاش
وان جـــا نـهــار كـــل قــــرم يـعـيـفـه=مــا هــو لـيـا ثــارت عـلـى الـقـوم رمــاش
الـكــذب يـعــرف بـيــن الأجـــواد زيـفــه=والـصـدق مـثـل السـيـف صـاطــي وحـشــاش
وصحيـفـتـة يـــا طيـبـهـا مـــن صحـيـفـة=ولـهــا مـــن الـعـقـال كـاتــب ونــقــاش
حــــاز الـمـراجــل والـمـراجــل كـلـيـفـة=الا عـلـى الـلـي كــل مـــا رامـهــا هـــاش
وان شــاف لــه مــن جـانـب الـقـوم خـيـفـة=تـلـقــاه للـخـيـفـة مـهـاجــم وبــطـــاش
الـصــدق والـمـعـروف والـطـيــب كـيـفــه=ويغـبـش لـهـا مــع طلـعـة الفـجـر مـغـبـاش
للـحـمـل مـــا تـلـقـى جـنـوبـه صـخـيـفـة=حـولـه بـــروق تـعـمـي الـعـيـن وافـــلاش
يصـبـر عـلــى جـرحــه ويـمـسـح نـزيـفـه=طـبـه بشـبـه خـيـر مــن طـــب الاحـبــاش
ولا هـــو كـمــا سـبــع سـنـونـه ضعـيـفـة=دايــــم يلـحـسـهـا ولـلـعـظـم عـــــراش
وان شــاف لــه فــي غيـبـة الـنـاس شـيـفـة=مــا هــو بخـبـل لاخـضـر الـعــود قـــراش
دنـيــاه لـــن صـــارت ذلـــول عـسـيـفـة=طـــوع علـهـيـا كـــل عـاصــي ونـفــاش
وان كـــان قـفــت مـــا علـيـهـا حـسـيـفـة=ولا هـــو ورا هـــوج المعـاصـيـر قــشــاش
وان جــاع مــا وقــع كـمــا طـيــر جـيـفـة=وان عــري مــا يـلـبـس سمـالـيـل وأخـيــاش
الصراحة أبيات جميله ياجزل العطايا
