iii
شغل الفكسار يا صامل وتله=مع طريق رماح يا الحر النداوي
امسك الخط السريع اللي تدله= لازمك معروف والخط متساوي
خله يسج الوطا يبرا الضله= لانتحى خطه مع القلب النحاوي
لاوصلت رماح يا المنعور خله= ينحر اللي للوفا والطيب حاوي
قدمك مناحي تبا تلقا محله = فاتحاً بابه على كل النحاوي
ومجلساً من جاه والله مايمله= فيه ينسا همه القلب الشقاوي
به اقرا الضيفان مع فنجال دله= والصحون اللي بها التمر الحساوي
والشحم يفعل المن جاه او وصله= والمجامر تستدير بعود جاوي
لاوصلته طيب الوقفات قله= ترفع البيضا من ابها لا الصداوي
الك يا اللي ماخذاً طيبه جبله= وله بصرح المجد ميثاق وعراوي
دون نقص بمن سكن برماح كله= نفتخر فيهم عزيزين العزاوي
صلب جدي طيبهم دقه وجله= ما تهيا با البساطه والمناوي
يوم جو من ديرة الاجداد قله= يسهجون البيد والارض السناوي
مروا العارض ورسأ فيه ثله= والبقيه جالهم لرماح ناوي
شاهدوا عداً نواعيره مطله= فيه عذب الما ومشروبه رهاوي
يقطنه فرسان وقلوباً مغله= يشربونه مايخلونه صراوي
في حجا شيخ الجموع وتحت ظله= مستقراً برضها ماله مقاوي
قالوا العد القراح بنستحله= ما نتخينا في ذليل ولادناوي
ماحداهم عن جموع القوم ذله= هقوتاً والله من كبار الهقاوي
حاربوه وصبحوه بكل حله= لين جا فعلاً يعده كل راوي
ويوم اخو نوره رفع سيفه وسله= قال وين مناصر الدين السماوي
ساندوه او وضحوا للدين مله= لين ساد امن الوطن كل القراوي
ولاطلع فيهم سياساتاً مخله= ولاتغيرهم مزاعم كل غاوي
يا معسفت المهار ام الاجله= يا منار العز يا زبن الجلاوي
جاركم دائم من الحشمه مدله= فعل ثابت شاهده قول الخلاوي
هذه القصيده في مناحي بن عبدالله القريشي