اخوي الغالي /الضيرمي
احبك الله الذي احببتنا فيه
واسمح لي بتنسيق القصيده
يقول المهادي والمهادي محمد=وبــــــــــه عبرة جمل الملا مادرابها
وجعي من علة بـــــــــــــاطنيه =باقصى الضماير مادري وين بابها
تقد الحشاقـــــــد ولاتنثر الدما= ولايــــــــــدري الهلباج عمالجابها
ان ابديتها بانت لرماقة العـــدا = وان اخفيتها ضــاق الحشابالتهابها
ثمان سنين وجارنا مجرم بنـــا = وهـــــو مثل واطي جمرة مادرابها
وطاها بفرش الرجل لوهي تمكنت = بــقي حرها مايبرد الماء التهابها
ترى جارنا الماضي على كل طلبه= لوكان مــــايلقى شهود غدابها
ياما حضينا جارنا من كرامــــــــه = بليل ولوبنى الغبامــــا درابهـــا
وياما عطينا جارنا مــــــــن سبيه = ليــــا قادها قوادها من اانثنابها
نرفى خمال الجار لوداس زلـــــــه =كما تــــــــرفابيض العذاراثيابها
ترى عندنـا شات القصيربها اربع = يحلــــــــف بها عقارها مادرابها
ننال يالمهادي ثمــــــــان كوامل = تراقى وتشدى بالعلامن اصابها
ليــــاقال منا خير فــــــــرد كلمه= يحضرة خــــــوف الرزايا وفابها
الاجواد وان قاربتهم ماتملهــــــم = والانذال وان قاربتها عفت مابها
الاجواد وان قالوا حــديث وفوبه = والانذال منطوق الحكايا اكذابها
الاجواد مثل العد من ورده ارتوى = والانذال لاتسفي ولاينسقابهـــا
الاجواد تجعل نيلها دون عرضها = والانذال تجعل نيلها فى رقابها
الاجواد وان ضعفوا فيهم عراشه = والانذال لوسمنوا معايا صلابها
والاجواد يطرد همهم طول عزمهم= والانذال يصبح همها في رقابها
الاجواد تشبه قـــــــــارة مطلحبه = ليا دارها البردان يلقى الذرابهـــا
الاجواد مثل الجبال الذي بــــــها= شرب وظل وينقل مـــــــــــــابها
الاجواد صندوقين مسك وعنبـــر =ليا فتحت ابوابها جـــــــاك مابها
الاجواد مثل البدر في ليلة الدجى= والانذال ظلما تايه من سرابهــــا
الاجواد مثل الدر فى شامخ الذرا = والانذال مثل الشري مر شرابهــا
الاجواد وان حا يلتهم ما تحايلوا = والانذال ادنى حيلة ثم جـــــابها
الانذال لوغسلوا ايديهم تنجست = نجاسة قلوب مايجوز الــــدوا بها
يارب لاتجعل بالاجواد نكبـــــه = من حيث ليا ضعف الضعيف التجابها
انا احب نفسي يرخص الزاد عندها=يقطعك يانفس جزاها هبـــــــابها
لعل نفس ما للاجواد عنــــــــــدها = وقار عسى ماتهتني في شبابها
عليك بعين السيح ليا جيت وارد = خل الخباري فان مــــــاها هبابها
ترى ظبي ومان برمــان راغب = والارزاق بالدنيا وهو ما درابــــها
سقاها الولي من مزنة عقربية =تنثر دقاق الماء من سحــــــــابها
ليا امطرت ذي ورعدت ذي بساق ذي = سناذي وذي بالماء غرق ربابها
نسف الغثا سيبان ماها ليـــا اصبحت = يجي الحول والماء ناقع في ربابها
دار لنا ماهيب دار لغيرنـــــــــــــــــا = والاجناب لوحنـــــا بعيدتهـــــا بــها
يذلون من دهما دهوم نجـــــــــرها= نفجي بها غراة من لادرابـــــــــــــها
ترى الدار كالعذرا اليا عــــاد مابها = حرغيور فكل من جاء زنـــــــــــابها
لياسرت منايـــــــا سعود بن راشد= على حرة نسل الجديعي ضرابــــــها
سرها وتلقى مــــــن سبيع قبيلة= كرام اللحا فى طوع الايدي لبـــــابها
محاالله عجوز من سبيع بن عامر = ماعلمت اقرانها في شبـــــــــــــابها
لهاولد ماحاش يــــــــوم غنيمة = عدا كلـــــــــــمة عجفاقمزوجـــــابها
يعنونها عسمان الايدي عن العضا = محاالله دنيا ماخذنا القضابــــــــــها
عيون العداكم توخن من جديــــله = ليا قام بداخ السوالف يهابـــــــــــها
اناظن دار نزل يمها مفـــــــــرج = لابد ينبت الزعفران ترابـــــــــــــــها
فتى مايظلم المال الاوداعــــــه= ولويملك الدنيا جميع صخــــــــــابها
فتى يذبح الكوم وسديس وحايل = لياقيل يبزا زادها من عذابهـــــــــا
وصلوا على سيد البرايا محــمد =عدد مالعا القمري بعالي هضابهــا