[جبل تين]

هذه القصيده موجهه الى الضبيعه وهلها عندما زرتهم هذا العام

ياسلامي للضبيعه وعجمان الرخم *** ربعنا اللي طيبها يشهد لمعروفها

ثبتوا منزالهم يوم مدات السهم *** وانزلو في ديره مامنعهم خوفها

وصنعو تاريخ بيته مشيد مانهدم *** بالقدايم يوم فعل العرب بكفوفها

فعلهم قد بان بين الضبيعه والدلم *** ثبتوها وحتموها ونزلو في جوفها

ثبتوا حدانهم واركزو فيها العلم *** وزرعوا بستانها واحصدوا مقطوفها

من لفاهم ضيف يلقى المعزه والشحم *** وان لفاهم قوم ردوا جميع صفوفها

كم عقيد قد غزاهم وعود منهزم *** ومن يكذبني يجي دارهم ويشوفها

وكم عقيد دونها شال سيفه وحتزم *** من سبيع متيهه جارها وضيوفها

ثبتوها وزرعوها بالمعزه والكرم *** في زمان تعجز الناس مصروفها

جارهم يلقى المعزه وشانه مانهضم *** دايم جيرانهم ماتبين ظروفها

عند ابو فالح وشرواه قانون الشيم *** راس قوم بالمراجل كثير وصوفها

ومن يزور عبيد يلقى حكيم ومحترم *** يعرف الهرجه ولايبتلش بحروفها

ولاقرا عنوانها قال سلم واستلم *** يعرف السمران وايضا يعرف شفوفها

دايم رايه حكيم وهرجه منتظم *** والمشاعر كلها يستعي ويطوفها

يعرف المعنى من لسان ولا من قلم *** خطته لامن رسمها رف يحوفها

الشاعر / مبارك بن فايز البخيت