[الهداف]

تحياتي واشواقي للجميع

هل من جديد بساحة الشعر وعلـوم=وسوالفٍ يشفق لهـا كـل غايـب
سوالفٍ يطرب لهـا كـل شغمـوم=ماهي سوالـف ناسعـات الذوايـب
والا سوالف من حـرم لـذة النـوم=اللي حرمه النـوم فرقـى الحبايـب
الجو صاير به عواصيـف وغيـوم=يرعد ويبرق من ثقيـل السحايـب
والبدر غاب ولا بدى عقبه نجـوم=وكثرة سواري الليل وسط الخرايب
واليعربي من لذت العيـش محـروم=يطيب له والا علـى غيـر طايـب
لاوالله اللي سادو الفـرس والـروم=وصارو لهم نسل الصحابه جلايـب
والشور عود عند (رايس- وشالوم)=ياللعجـب هـذا زمـان الغـرايـب
الحر صار غراب واستصقر البـوم=وابا الحصين يشب نـار الحرايـب
صارت على اهل الدار ميلات وثلوم=دار الزمان وطمع بـه كـل خايـب
يامن يبلـغ بالخبـر سـادة القـوم=قبل يعود الحـذف عنـد الركايـب
مدري بني يعرب ضعيفيـن وارخـوم=والا انها من عنـد ربـي عقايـب
ياناس خلو عنكـم العـذل واللـوم=وش حيلة المضطر عنـد النوايـب
السيف له في ما مضى فعل ورسوم=ويجي الفرج عند احتكام المصايـب