يالله يا مطفي الهيب السعيري =جعل الفويه من المقادير سيات
جاب البجادي حفته والعسيري = مع واهب والقروا تتليه سربات
بارودهم يوم اقبلوا له غثيري = مثل السحاب الي تقافاه ناوات
لذنا على قب المهار العذيري = مثل المها الي شايفا شوف زيلات
لجت عزاوينا تشوق النظيري = من فوق قب فالمحاظير أديبات
نردهم رد البقر فالثويري= لين جنبوا ذيداننا اللي مقيمات
ودرع البجادي جوف بطنه كسيري=من كف أبو تميم حام الونيات
بامزرج فيه الغلب مستديري = يوم السبايا فالملاكيز عجلات
ذيب امسيرق ناد ذيب الحصيري=وارفع ابصوتك للذياب المجيعات
عان العشاء في معتركنا خثيري=اخشر مع الحصني وشهب الجعيرات
ولا تآكل الا من ظهور النديري =وخل الجماجم في محلك امحيلات
هذا جزاء للي علينا يغيري =شلف لهن دايم وقايع وعادات
المنتبه جزاك الله خير على تعريفنا بجزء يسير من افعال السوده ويستاهلون ماحصلو من العلوم الغانمه وتسلم طال عمرك