[وافي السبـيعي]

تلت الجكسار مع فرز صفاقه = فاهقين العرق والصلب قدامي
غب ماطر ناشين لاح براقه = عل ضام القاع وأروابه الضامي
وشوفه الروض الخضر كانه الباقه= بهجه للنفس والعمر مادامي
فوق رمثه بين النبت باعناقه = وعطرت بالريح نسناس الانسامي
وهدة القراناس لا تل مسباقه = وسط خور مانزلبه من العامي
وافي الاطراف وقصير ساقه = اشقر الجنحان والاحمر شامي
منوة المهموم لاضاقة أخلاقه = لاحداه الهم من غير الايامي
والله ان العين والنفس مشتاقه = لسجة فالبر مع كل ضرغامي
شوف ضوح الصبح والنار شعاقه = حزة فيها الردي مابعد قامي
شبها اللي يسكن الطيب باعماقه = لابس للمرجله تاج وحزامي
من رجال دوم للطيب سباقه= حي من للطيب والعز مقدامي
ودلة فنجالها للعمس فاقه = ساقه اللي عل تمهله الايامي
عقبها كبش يعلق بمعلاقه = كرمة المصفوط للربوع أحشامي
وسط روض ناقع ماه باشناقه= مبعد عن كل حاقد ونمامي
مع ارجال للمواجيب عشاقه = وهقوتي فيما تمنيت مالامي
والعمر يفنى والايام بواقه = والبقى لله والعمر مادامي