كف العذل .. يارفيق الدرب : لو تكـرَم=لو يجدي العذل .. كان الخلق ما صاحت
أنا أدري إن الهوى له..( برطمٍ أشـرَم)=لاشك نفسي عثـت وبذنبهـا طاحـت !
في حبّ منهي تحدّ .. العاشـق المغـرَم=يبيّح أسـرار .., لا بانـت ولا باحـت
ماهيب لحية ( رزان.). (ونانسي عجرَم)=لا والله إلا هنـوفٍ .. داخلـي ساحـت
تمشي مع الدم في جسمي ... بلا محرَم=رزّت علمها بوسط القلب .. وارتاحـت
لا جيت أشبّه ... عن حدود الشبه تكرَم=ما تشبه إلا بروق .. الصيف لا لاحـت
ريحه نسمها مع النسنـاس يـوم أبـرَم=منّـه عبيـر الخزامـا والنفـل فاحـت
لو شافها اللي عقد فـي نيّتـه وأحـرَم=عوّد يلاحي طيور الورق ... لي ناحت
من عقب ما شفتها والنـوم لـي يحـرَم=غارت على قلبي المحـزون واجتاحـت
اجتاحت أقسى الحصون و نارها تضرَم=وأنا لي الله لو هـي بالوصـل شاحـت
أصبحت من عقبهـا أديـب ومخضـرَم=انحت من الشعر مـالا ينحتـه ناحـت
أنا اشهد إن حبها طال الحشى و أجـرَم=يا ليتها قبل ما تنوي السفر.. تاحـت ..؟
لي فرصه أحلف وأوثّق عهدي المبـرَم=( إني فلا أنسا هواها ... وين ما راحت)
الشاعر / علي بن مشرف