[راكان محمد]

قصيدة قديمة كتبتها عن هذه القبيلة العريقة

آمل أن تنال اعجابكم


مناسبة هذه القصيدة موجوده داخل أبياتها

ياهيه أنا من عـادتي ما أحني الراس=إلا لربــي خاشـــعٍ في سجــودي
اسجـــد لربٍ خالــــقٍ كل الأجنـــاس=اللي بكاف ونون كــوّن وجـودي
مانيب أدوّر عزتـي من ورا النــاس=ماهوب رافع راسي ألا عضـودي
ربعي سبيع وفي ثرى نجد لي ساس=ورثٍ ورثته من فعــايل جـدودي
غلبــا غلبنــــا والثنــــا ماله قيـــاس=ياما أفترق منّـا جمـوع الجنـودي
وياما ارتون منّـا معـــاليق يبـّـــاس=وبرماحنــــا ياما أمتلـنّ اللحــودي
عـــزّ الجنـــاب وللقـــريبين حـــرّاس=ومدلّهيــن الجـــار علــمٍ يكــــودي
ربعي هل الغلبا على قـُب الأفــراس=فعــلٍ موثــّـق والخلايق شهــودي
ماهيب كلمـه تنكتب فـوق قرطـــاس=جتنـا عقب ما يبّســــنّ الكبـــودي
وألا أنت عرقـك مع هل السو دسّـاس=الزم حـــدودك لاتقــرّب حــدودي
ياهيه مالك مع هل الطيب مجــلاس=كفوك مع اللي ينقضنّ الجعـودي
لاصار قدرك مع هل العـــرف ينداس=وشهي حياتك كان ماهي سنودي
أكبر مثل حطـّـه على البـــال نبراس=(أم الثعال تخاف بطش الأسودي)
رفيقـــي اللي لا تكــــدّرت ينحـــاس=اللي بفعـــله عن كــــلامه يزودي
معدن ذهب صافي مهو لمعة نحاس=ولاهـو من اللي بالرفاقه زهـودي
رفقــة نقــا تبقــى على قـوة البــاس=مثل اتحـادة صف شعب السعـودي
مالي بخــوة راعي الهـــرج بــلاس=اللي بحـــزّات النعــاره شــرودي
فعلي مع أهل الطيب للطيب نوماس=وربعي مع أهل الجود دايم تجودي
وأن كان همّـك بس هو حنية الراس=تبطـي عظـم ألا بلحظة سجـــودي

راكان بن محمد بن بدن