لبيك ياصاحبي لبيك
يفداك من قـال انا مـاابيك = واللـي بعد ينقل النـــمه
ياشوق نذرن علي ما اصخيك = ولا انساك في ذمتى ذمـه
اللـي يسبك تحت رجــليك = قلبــي معك عمتن صمه
لا تستمـع هــرجت معاديك = وده تحــول مـن القمه
وده يشـيلك ثـم يـوطيك = كــثر الحسد محرقٍ دمـه
لا قلت ذا الهـرج مـا يعنيك = يقول سامـعه مـن فـمه
قصده ردي البخت يــوذيك = لا ترخـي الاذن مـن يمه
لبيك ياصــــاحبي لبيك = ريـح الوفاء فيكـم أشمـه
قلبي حريصٍ علــى طاريك = لا مــرَنى طيفك أضـمه
ليتك تدري ويش طوى مغليك = يا كثر حـزنه وياهــمه
أفـز مـن نومـي أنــاديك = فزت غريقٍ ورى الجـمه
ومن بدت أهل الوطن راضيك = وفي غيابك الروح منسمه
أصد ما كن عـندي فيك = وانت اغلى من الورع عند أمه
اخوي صح الله لسان الشاعر على هذه القصيده الجميله وقصيده اتسمت بالجزاله وقوه المعنى وجمال القافيه
تقبل خالص تحياتي