[ماضي المديري]

عند العشي عديت في نايف الراس=رجمٍ عسى عنه المخايل يميني
يفوح دمعي واردعه بالتنفاس =ولاني بناسٍ شرهتك ياظنيني
لاني ببقارٍ ولا ني بغراس = وشوري على نفسي من الهاينيني
واجهت انا الطرقي من الراس للراس =قال اقطعوا خنثل وهم حايليني
قلت الصويب وقال لي ما جرى باس = الله يجيره من مطيحٍ مهيني
ياما حلاء مع جملة الربع مجلاس =وردن على الشبان والشايبيني
في بيت ابو ماجد حمى قحص الافراس =بيته على الفرجه كبيرٍ يبيني
كم واحدٍ فكه والارياق يباس= وعادات خالي يحذي المفلسيني
هاجد يفك اللي مع الجو غطاس = لامن ولد اللاش نسى الفتيني
شيخٍ لنا واكثر هروجه تقياس = هاجد عسى تبطي حياته سنيني
وابو محمد جاره الله من الباس = يفكك عيراتٍ تصف القريني
وراجح عشير مدرجت قذلت الراس = وشيوخنا يوم المواقف تبينى
والاد صامل فيدهم كل نوماس = كم شوقوها بالغناء كل حيني
كم ذود مصلاحٍ يقصص بالارماس = يلقط قطيعه غب هم كاينيني

ــــــــــــــــــــــــــــــــــــــــــــــــــ ــــــــ

قصيده جميله يعطيك العافيه اخوي قائد الطايره
تقبل تحياتي