في أخر الشهر الكريم وفي اول العشر الاواخر= يالله الغفران والرحمة والاحسان الختامي
من ديار سبيع اخاطبكم وانا كلي مفاخر = مسلمٍ سنّي سعودي وأخدم البيت الحرامي
والثقه بالنفس تعمي كل مستهزيء وساخر= وش علّيه لو عيون الحقد تغمز بالضلامي
والنصيحه واجبه ومواتيه والجو زاخر= بالعمل والنصح وإضهار البشاشه والسلامي
شدّوا الميئزر ويا راع الكسل ويش انت ذاخر= انحر المسجد وبادر بالصلاة وبالقيامي
لا تفوتك ليلةٍ سخر لها المولى سواخر= بالقبول وبالرضا والفضل تنزل كل عامي
ليلةٍ وتريّةًٍ فاحت بها اطياب المباخر= فضلها خيراً من الف الشهر يسمو كل سامي
قدّره محيي العظام اللي رمايمها نواخر= بين كاف ونون يفعل ما يريده بالتمامي
والمثل قال الرياح تسير وتعكس البواخر= يالله انك لا تخيب من يشدّ لها الحزامي
صح لسانك
اخوي الشاعر القدير
ابن بداح
ابيات جزله ومعبره ونصائح قيمه نسأل الله ان ينفع بها
وتوقيت رائع لاهنت,,,,