|
هامة الغلباء
كُتب : [ 20 - 10 - 2006 ]
ياعديم الذات أرض الله وسيعه
انـتهيـنا منـك دوّر لك بـدائـل
ياخسارة كنت أعدك بالطليعه
بس فات الفوت ماينفع عذائل
كان اظني وين واثر انك نقيعه
مشربٍ مطروق مالي منه طائل
انخدعـنا فيـك ياكبـر الخـديعه
لين جا المندوب بجداد الرسائل
بعتـنا برخيـص يامال القطيعه
بان ملعوبـك وحصلت الدلائـل
مدحنا لك بالخطاء صارت ذريعه
خلتك تمشي هوّس والراس مائل
ظـنـك اني ذاك تشريه وتبـيعه
سلعةٍ تختارها بأهـوّن وسائـل
تحسب آنا من بني مثلك نزيعه
أو فئه وجـذورهـا ماني بقائـل
مادريت ان هامة الغلباء رفيعه
عزوةٍ لسبيع مـن بيـن القبائـل
سلمنا ياهـيه مانرضى الهزيعه
من هل الوديان لين حدود حائل
مانـذل انـفـوسنـا فـيـنا طبـيـعـه
لو ورّدنا الموت برهاف السلائل
ــــ م ــــ السبع501 ـــــــــــ
|