يستاهل الإهداء أبويزيد ويعطيك العافيه يامخايل الغربي
سار وسرى جنح الدجا واتجرهدا= وانجاب جلباب الظلام الاسودا
مامل ساري الليل ليله وماضوى= لمتلذذ في طيب حلو المرقدا
وتمايزت للعين في جو السماء =جل النجوم على المغيب توردا
هذا وحسنا في بلاد دونها =سفك الدماء ونيران حرب توقدا
وارض سباريت خلي مابها =الا سروح الربد وام الفرقدا
كم ذا يتيه ابها الدليل الى سرى= يوم ولا لحزومها يتعهدا
مما يشوف من المهالك والظما= ومكابد الحزم العريض الى بدا
مابينها نفد الضواحي واللواء =وعنيزتين ونوم عيني قد بدا
من بعد ما جنح الظلام ايلى كسا =عين المنام بقرن شعر اسودا
والى ان حسنا بالمنام تمدلي =كف مخضبة بصاف العسجدا
وتقول لي انت المغيب المرتجى= لمن توده وللموده تجحدا
اقسمت بالليل المعظم والضحى= والصافنات وسورة المحمدا
مالي حذاك من الملاء شفية= من مطلع الشرقي الى وادي كدا
متبجح بوصال ضامرة الحشا =حورية للزين فيها معهدا
تنفل جميع المحصنات بوارد= متعثكل لونه كليل اسودا
نقوة اناثي حرة عرنونة= مامثلها في نسل حواء يوجدا
امست تردن للهوى رعبوبة =هيفاء صموت الحجل ماراحت ردا
عنق الظبا جيد يحف مناكب= تقل يلوح ابها عقود المقلدا
لوانها عبرت كنيسة راهب =بزمان عيسى للعباده مجهدا
لرمى الكتاب وخر الها 000 =وصبا لها وجاز من متابعة الهدا
ياما تحمل خصرها من ردفها =ضيم الى قامت تقوم وتقعدا
له مثل غصن الموز ساق ناعم= ان حل به خلخال جض وغردا
وعيون حوريه وشفايا ذبل =حمر المراشف ماعلقهن الصدا
وانف كما حد الحسام يزينه= ريح الشمطري بالشفاه يوردا
وترايب بيض وعنق واقف =وصدر تشوف ابه النواهد قعدا
لو ان حسنا تعلم اني قبل ذا =قاس على فرقى الخليل معودا
ماكان تنسى وصلنا بمدارج =والواش عنا والحواسد رقدا
الله يسقي دارها بمهدهد =لجب كداجي الليل لونه اسودا
جراف ذراف دفوق رافق= دمار عمار لما يتعهدا
يدعي جميع افياضها وديارها =فيها المغاني والمفالي حشدا
تشوف حيات التراب كنها= قطع الحبال على غثاة المزبدا
وتخالف النوار فيها واصبحت= خضر مغانيها يعط ابها الندا
تلقى وحوش البر فيها رتع= والريل فيها والنعايم شردا
تلجاء اليها مفاليح الرجال كما =يلجاء لجود الكريم ابن الجواد السيدا
وافي الذمام عن الملام ابن مبارك =تاج الملوك وخليفة المحمدا
وان ذعذع الثار القديم وجذبوا= يوم الملاقى كل شرث مغمدا
في ذات يوم قمطرير باسه =يوم عبوس يشيب به من يولدا
من فوق نابية القطاة مشمره= من اعوجيات الاصول ترددا
فالعهد منها ما يفوت طريدها= وابها الوناة ان كان خيله تطردا
ومهند صاف الحديده صارم =كم ذا على روس القروم يوردا
لو تنطق الروس الذي قطعت به =بفم فصيح كان الجماجم تشهدا
صرايعه هالنهار تشوفها= شروا النخيل الجاثيات بثرمدا
والدم يجري بالجيوب كانه= من كف ابو بدر جراة المزبدا
والبيض غضات الشباب حواسر= لزمن تشوف عيونها وتبددا
من شد مايوحن من ضرب القنا= والبيض واطراف الرماح تحددا
ثم على بالسيف روس رجالها =واقفوا كما وصف النعام الشردا
يتلون ملك لايزال حريبه =عينيه في حال النعاس تسهدا
اكرم من الملك الغريري واجود= وافرس من ابن الزبرقان الى عدا
يحكى ثناه بكل وادي طايل= ثقات عن فعل الشريف تشيدا
نهار فتح الروم جانا ذكره =في نجد وديار العراق يرددا
واقسمت بالبيت المعظم والحجر =والصف والاخلاص وايات الهدا
ما يبركن الارض في اثقالهن= يوم ولا عنك الهجير يبردا
حتى يجن لابن الكريم ويلتجن =ببركات وكعبة جوده المتعهدا
يمحى خطايا الفقر عنا شوفه= شيخ يبشر صبح وجهه بالندا
لولاه ماجزنا ديار كنها =تاطى على حامي هجير الزمردا
ولولاه مادسنا سباريت الخلا= وديار ساكنها المهامه والصدا
لون مثله بالمرؤه واجد =غدى الفقر عنا زمان وابعدا
دامت له العليا ودام سروره =ودامت ليالي العز مع طول المدا
ثم الصلاة على النبي محمد= ماناح قمري الحمام وغردا