[ماضي المديري]

وحنا هل الخرمه وحنا لهـا صـور=وحنـا حـرارٍ فااللقـى صيرمـيـه
ومن غب كونه عود الجمع مكسـور=الحـظ طيـب والعـزايـم قـويـه
ولا رفعت الرايات حنا هـل الشـور=في مقـدم البيـرق نقـود الغزيـه
وكسيرنـا مايجبـره كـل دكتـور=لامـن ركبنـا فـوق بنـت العبيـه
وحنا هل النخوه على خير وشـرور=عاداتنـا مـن يـوم بقعـا صبيـه
يشهد لنا حوقـان والحنـو مذكـور=ويشهد لنا التاريخ فـي كـل هيـه
ودخيلنا يامن مـن الغـدر والجـور=ماهوب خايف لـو يشـوف ادوميـه
ورجالنا لـو كـان ميـت ومقبـور=يدخـل دخيلـه كـن الارواح حيـه
وخوينـا يرتـاح بالـه ومسـرور=لحيث بعض النـاس يـؤذي خويـه
والضيف له ببيوتنـا كـل ميسـور=مستانـسٍ وسـط البيـوت الذريـه
وحنا على الجيران جنـات ونهـور=كنـا موصينـن عليهـم وصـيـه
ودستورنا القران عن كـل دستـور=الشـان واحــد كلـنـا حنبلـيـه

الشاعر شباب بن جزله من كبار شعراء المداريه وسبيع
ديماً قصايد ابو ذياب جزله و مشرفه لناء في المحافل
عند سبيع وعند القبايل