[مخــاوي الليل]

المشاركة الأصلية كتبت بواسطة أبــو بنـــدر

الشعر مع غالي الأهداف ينساحي=صف الغوالي بصدري صف طابوري
وعذب القوافي تمرجح لي تمرجاحي=وأضحك لها ضحك مستانس ومسروري
ألعب بقافي مثل لعبي لمسباحي=وأدلعه مثل تدليعي لبندوري
قلته وأنا من رجالٍ طيبهم فاحي=ربعي من الوقت الأول جالهم دوري
حنا بني عمر سنام المجد وضاحي=من فعلنا كم فريقٍ راح مكسوري
وش قال راكان بن حثلين ياصاحي=في حربهم سم ساعه قول مشهوري
عن حقنا طاردينٍ كل مجتاحي=في السلم والحرب مانخطي من الشوري
والهرج تاليه عندي علم فضاحي=لو أفضحه للعرب بتموت مقهوري
إمسك طريقك مادام السد ما باحي=قدام لأزعل وأجيك بشي محظوري
كانك خبل فالخبل يجلس ويرتاحي=وكانك جمل فالجمل يبرك على الزوري
والقافله ماشيه والكلب نباحي=واللي يعكس الطريق ندق له بوري

ونعم والله يا بني عمر ..
الحقيقه يا بو بندر هذه القصيده تستق أن يُقتبس كل بيت على حده ويُعطى حقه من الإعجاب ..

ولكن ننتظر منك المززززيد فأنت شاعر تستحق أن يقف لك الجمهوووور إحتراااماً ..

تقبل ودي ..