وافــــــــي:
يابو بندر العلم انتها ماعرف معنـاه=اظن البظاعه بين بايـع وسوامـي
بعير العرب ماينقل الحمل ياوش جاه=بعد ما صلته النار والميسم الحامي
ابوبنــــــــــــدر:
هلا مرحبا ياوافـي الليـــل ذا مأحــلاه =وروس العبــاد همـوم وأحــلام وأوهـامي
بعير العــرب عود مع إبله على مفــلاه=ومع مثـلك أنت يزيــن وقت التكــــــلامي
وافـــــــــي:
اجل اتركه يقفي على وجهته ممشاه=نباء نكشف الصفحه ونكتب بالقلامي
يقولون ابوبندر تجيب السعد يمنـاه=وانا اقول اعرفه فالمواجيب عزامي
أبوبنــــــــــدر:
أنا شفت شــايب ما طلـع شيب بملحـــاه =يغــــازل هنــوف شــدته بالتبســـامي
كتبت الكتــاب اللي رفيـع النبـا يقـــراه =حكـايه بسيـطه مثـل لـوحه ورســـامي
وافــــــــــــــي:
وانا شفت لي مولودجالس على مركاه=معه خنجر وبندق وبـارود وحزامـي
وله قيمته عند العرب له عظيم الجـاه=لكنه دخل في ملته (ان ) غير الاسلامي
أبوبنــــــــــــدر:
عجيبه ياوافـي علم أبوزيــد تتـــعداه=وأنا أبغى السـوالف معك بالمنـهج السـامي
لو إنك بدعت العلم من قبل أنا مـأبداه=لأسـولف وحق البنــــدقيه على الـــــــــرامي
روعـــــــــه ......جزاله.....نقض وفتل.........
وشعــــــــــار من الوزن الثقيل......
(الله يعينك يابوبندر تناضل على جبهتين)