اخوي ذيب العجمان
السلام عليكم ورحمة الله وبركاته
والله وان اخوك حنا في وقتنا الحالي الناس تغيرت
يعني المثال الي قلته حق الشباب الي يغازلون لو رحت وتدخلت اقولك وش بيصير
اذا رحت للشباب تكلمهم بيقولون وش دخلك انت وبيشتد النقاش بينك وبينهم وبعدين بتهاوشون شفت اما انك انضريت والا فتحت راس واحد بالغلط او ذبحته وانت ماتدري لقطتلك سكين او هو معه سكين واخذتها منه وطعنته ومات لا والله انك في مشكله ما لك لزوم فيها يعني لو ان الناس مثل اول يستحون لا منك جيت وكلمتهم ايه
وهذي وجهت نظر
انا اقول هزيت راسي ومشيت افضل من اني ادخل في مشاكل مالي لزوم فيها الاعاد اذا وصل الامر الى اعتداء قدام عيني لازم اتدخل
وعلى قول سعد بن جدلان
ودنا بالطيب بس البشر جحاد طيب ×××× كل ماتخلص مع الناس كنك تغشها
يدك لا مدت وفا لا تحرا وش تجيب ×××× كان جاتك سالمه حب يدك وخشها
.
وبعدين فيه هيئه وشرطه ادق ياخي وابلغ احسن من اني ادخل في المشكله انا مالي لزومن فيها.
تقبل مروري
تحياتي,,,,,,