قصائد الشاعر / فلاح بن مبراد الحميداني المطيري
سرى البارق
سرا بارقٍ ساقه نسيـم الهـوى حـدر=على غير مجراه الطبيعي سـرا نـوره
تكاشف مزونـه بالدّجـا بارقـه نـدر=على الخدّ هلّ من أطرف السّود شختوره
عسى الله يعين اللّـي يشوفـه ولاقـدر=على قطف زملوقه ليا بانـت زهـوره
يجازيـك يالايـام مشروبهـا كــدر=الايّام مـع سـود الليّالـي لهـا دوره
تزيّـن لهـا وقتـن وعاداتهـا الغـدر=ليا ذّوقت من حلوها تقلـب الصـوره
ليا قلت قلبي طاب ومن المرض خـدر=تسبّب بـداه مـن المخاليـق دكتـوره
أبو لبّـةٍ عفـرا كمـا شعّـت البـدر=تكاشف ورا شقرن على الصدر منشوره
قبالـه دقيقـه كنّهـا ليـلـة الـقـدر=تمتّع بها نفـس مـن الحـب مقهـوره
عليّه من المجمول حكم الهـوى صـدر=حكمني على كيفـه بقانـون دستـوره
جداي افرك الكفّين والطم على الصـدر=كما لطمت الشيعي ليا حـل عاشـوره
سرى الليل
سرى الليّل كلّه والمصلّي نصى الجامع=وانا اخيل نـوّن نازحـاتٍ مرابيعـه
صدوقٍ من الرعّاد والبـارق اللامـع=ينثّر دقاق الما علـى يابـس القيعـه
صفا نقع شهلوله على مشرعه قامـع=عسيرٍ على الورّاد صافـي قراطيعـه
قريباً من الحدّاث عسرٍ على الطامـع=ربيعـه ورى حـدٍّ تعسّـر مطاليعـه
جديدٍ زهر نبته على مشرعـه شامـع=تداخـل نباتـه ماتعشّـا جرابيـعـه
يدير الهوى فكري على مخلف الرامع=تصافا خفى روحي وجوهر مواضيعه
اصوّر بنون العين من طبلة السامـع=معامل خبير الروس واسرار تصنيعه
عفت الكرى
ياخضير من كثر السّهر ما اقدر اشوفي=يومين والثالث مضـى نصـف ليلـه
عفت الكرى من هاجسٍ يطرق الجوف=خيّـم علـى قلبـي يـروح ويجيلـه
ياخضير حدّتنـا المقاديـر لظـروف=مقضـاة حاجـه بـسّ اهلهـا قليلـه
من جيت قدّم لـي معاذيـر وحلـوف=واللّـي هقينـا بـه عرفنـا حصيلـه
وصل الخبر منهاه ياخضير وتشـوف=ورّدت للـبـارود نــار الفتـيـلـه
خبّرت من تنصاه شيخان وضعـوف=شيّـال حمـل اللّـي عجـز مايشيلـه
امجربّه بالطيـب مانـي بموصـوف=رفيـق دنيـا مـن سنيـنٍ طويـلـه
مازيف الرفقه على شـان مصـروف=ولاعشت مع من طاب حظّـه يجيلـه
لابـد ماتخفيـه الايـام مكـشـوف=ان كـان عشنـا فالليالـي طويـلـه