بسم الله الرحمن الرحيم
قال الشاعر غنيم بن بطاح العبيوي
يوم تهيا من ورى العاذريات يوم عبوس ويودع الراس شايب
لحقن تنابيل على الهوش دربات مقصودهن ارقابنا والركايب
يصوعنا الرشاش والملح غشنات مثل البرد من مرزمات السحايب
يقول ردوا ماش فود وسلامات ونقول تجهل ياعلي وانت شايب
الجيش من دونه عيال العبيات بمشوكات يجدعن الضرايب
يوم لحقونا والحقونا العصيات سقنا لهم ستة عيال جلايب
جلايب ماهم لبيعات وشرات رخاص العمار الى كبا كل هايب
سقنا مناحي وارد حوض الاموات والريق من بين الشفاتين ذايب
واحسين كان انه غدا الهوش لوذات وديع تالينا وتالي الركايب
يوم اشبكونا بالغصون القويات فلك عمار جودتها النشايب
وابوخلف راع العلوم القديمات ياويلنا لوهو هاك اليوم غايب
ومناحي القني معشي المجيعات حدب النسور اللي ترب الزرايب
وشداد شوق اللي ثمانه رهيفات يحدهم حد الجمل للعرايب
ومطلق صبي الحرب مافيه هرجات شوق الهنوف اللي تكد الذوايب
ومعنا ثلاثه من عيال السيالات اللي جذبهم ماض الافعال شايب
عقب ركبنا والمواتر مقيمات متقابلات مثل وصف الزرايب
اللي عليهن راح من سلم الاموات متجضعين مثل وصف الخشايب
والصبح لحقتنا طيايير صفات اركن علينا حاميات اللهايب
وحده طرحناها وخمس سليمات رصاصها بايمان ربعي نهايب
من ذل منا ياالبني العفيفات يخسا وخلنه يخض الغبايب
تراه مابه يااريش العين صرفات ريال يردونه هل السوق عايب
وانتم سالمين والسلام