[الأملح]

ألأخ العزيز عالي مقامة : وعليكم السلام ورحمة الله وبركاته.. وبعد ،

المشاركة الأصلية كتبت بواسطة عالي مقامه

السلام عليكم
الاخ الاملح وش رايك بتوقعاتي صابت ولا خابت

إلا صابت وصابت مغير كنك غاشها، وأنشهد أنك صاحب نظر. وتراني بعد ما قصرت رديت عليك وقتها وقلت:

المشاركة الأصلية كتبت بواسطة الأملح

ما شاء الله عليك يا خوي عالي مقامة يبدو أن عندك علم

يعني أني ما خلفتك الرأي، بس عاد ابلنا غالية علينا، ولا تلومنا طال عمرك لا أنا ولا ابو عمر ، وترى ذود حشر ماعليه زود.

وصحيح إن مغاتير فننجال موقفة و تستاهل المركز الأول .

ومبروك لعتيبه المراكز المتقدمة الي حصلت عليها ، ومثل ما قلت عتابة وسبيع شيء واحد.

ومطير بعد خذت حقها من المراكز المتقدمة ونقول لهم مبروك.

ونبارك للعموم.

والسلام.