ياعلاوى نجدعلك مراديم السحاب=ديرةَ فيهاتربيت يوم انى صغير
ياطبيب النفس وشو علاج الاكْتئاب =اعطنىوصفة علاجه ترى وضعى خطير
عشت في غربة حقايق وفي وضع أغتراب =والتجارب عرفتنى على شى كثير
شفت ناس ترسم الورد فى صدر الغراب =والغراب ليا بغيت المس الوردة يطير
استفدت من الذيابة ومن نبح الكلاب =واستفدت من الرغى واستفدت من الهدير
ولا كسبت الا معرفة عزيزين الجناب =ولا خسرت الامعرفة عديمين الضمير
اقترب لا ما اقترب شين بعض الاقتراب =ابتعد لاماابتعد شى فى حقى كبير
ياسوالى كل مااطرحك ما القى لك جواب =مالى الا الصبر واهل الصبر توعد بخير
وصف خلان الرخا مثل ضحضاح السراب =يفرح العطشان شوفه يحسب انه غدير
للردىلو هو ولد عم لاتحسب حساب =كم عزيزذله الوقت بضيافة حقير
الدروس انواع تطبيق والابانتساب =بس انا اللى طبق الدرس قدام المدير
ياغريب ان مت شلنى الياهاك الهضاب=حط قبرى بين عنتر وابن عمه زهير
حطنى فى مقبرة عبس مروية الحراب =حطنى باعلى علم عبس مروية الشطير
وان عسرك الوقت نطلع ونرجع للتراب =ويارث الارواح الاله الاول والاخير
اول الدنياطرب واوسط الدنيا عذاب =واخرتها الموت والقبر وحسابَ عسير
ياجزيل الملك ياكافل رزق الذباب =ياالهى من عذابك برحمتك استجير
الشاعر/ عيد بن مربح الرشيدي