بسم الله الرحمن الرحيم
والصلاة والسلام على اشرف الانبياء والمرسلين اما بعد
اولا احبتي في الله اشكركم على موضوعكم هذا الذي يستحق النقاش
ولكن المسئلة ليست على تحديد المهور سواً اربعون الف او عشرون الف المسئله هو التطبيق الفعلي لتحديد المهور هل لودفع الشاب هذا المبلغ سيتوقف عند هذا وبس ولا بيدفع غيره .
انتم تعرفون اسعار قصور الافراح تختلف هذا قصر زين وهذا قصر رخيص وهذا قصر اعرسة فيه بنت فلان ياحماعه الموضوع لدى الحريم وليس لدى ارجال مع احترامي وتقديري لكم ولكن هذا الواقع الاب يحضر فقط في الملكه ولا يتدخل في باقي الامور والضحيه العريس حتى لو كانت بنت عمه سواً معه ولا مامعه زي ماتقول العمه مالنا دخل ولا ليش جاى تخطب بنت الناس العمه ناسيه ان بنتها بعد ماتعرس تبي بيت وتبي ملابس وتبي هديا واشيا اخري العمه تنسا احياناً وشلون بتعيش بنتها بعد زواجها ممكن ترجع لها خلال شهرين لعدم قدرة الزوج على تغطيت مصاريف حياته اليوميه . ولكن نقول الله يهديهم تم تحديد مهر البكر40.000 ريال والثيب20.000 ريال قبل عدة سنوات هل هو مطبق عندنا ولا لا في الحقيقه غير مطبق كل واحد واجتهاده وقدرته الماليه.
نسو المثل اللي يقول اخطب لبنتك قبل ولدك
ياجماعه اربعين ماتكفي الان وراك قصر افراح وراك العزيمه وراك شهر العسل وراك تاثيث البيت الي بيسكنون فيه وراك ايجارات وراك فواتير الجولات70% من الشباب دخله الشهري مايتجاوز الخمسة الاف ريال من وين يغطي وبغاء يشتري سياره40.000 جلس يسددها اربع سنوات ولا الذهب الي بتاخذه بتلبسه كلها اهى وامها ولا بيجلس في الشنطه انا اقول الموضوع لدى الحريم الان اذا الشاب يخطب يسئل عن الام قبل الاب والله اني صادق ياجماعه
ملاحظه عزمة في زواج احد الشباب في رنيه وذهبت قبل موعد الزواج بيوم ولما وصلت رنيه تفاجئة بان الزواج تاجل الى ثلاثه ايام ليش قالو ام العروس حلفت ان بنتها ماتعرس في قصر المملكه تبي القصر الي ورا الوادي اتوقع انه الفيصليه علما بانها بنت عمه؟؟؟ليش قصر المملكه قالو جنب سوق الغنم مدري سوق البل طيب ليش ماسوها في بيتهم وريحونا ملاحظه يااخوان انا اقول هذه القصه واهي حقيقه(عمه قوي شخصيه برا محد يقدر يناقشه والظاهر انه جوا البيت ماعندك احد)
المسئلة ليست على تحديد المهور السؤال قبل كل شي منهي البنت ومنهو ابوها ومنهي امها وابرك الزواج ايسره ياجماعه وناااااااا اسف على الاطاله يعني لو بجلس اكتب عن المهور والزواج التوقيع بجلس شهر ماخلصة صاير مثل مشكلة فلسطين مالها حل عند العرب ولا عند القبايل او غيرهم على فكره مو عند سبيع لوحدها عند الناس كلهم بس اقول راس مالها فيزة سورية وخمسة الاف ومالك الا المشاوي والمتبل والحمص لا وتشوف بعد مهوب تتورط؟؟
ياجماعه لا تفهموني غلط يمكن ولكن هذي حرقه في قلبي من بعض التصرفات ولا مافيه اغلا من بنت العم ان حبها فهو افضل لها وان كرها فهو راح يعزها مراح يرضى عليها بشي
اقول الله يصلح احوال المسلمين
اخوكم صقر نجد