يا سمي الموحد
يستدعيني الشعر أحياناً لأكتب مجد العظماء وكانت هذه القصيدة لأخي صاحب السمو الملكي الأمير عبد العزيز بن فهد جعله الله موفقاً أينما كان..
كل حرف ٍ كتبته بالقلم والدواه = له مقامٍ عظيمٍ يا رفيع المقام
حافظٍ غيب قلبي هاجسك من نباه = انت بالبر الأول فعل ما هو كلام
الله اللي وهب لك بالشهامه عطاه = لجل تضفي عليها مجدها باحترام
يا بن فهد الملوك الله يرحم ثراه = الوفا الله خلق راسك لعزه وسام
كايدٍ طيب ربي في حياته رعاه = وانت ترعى كبيرات الأمور العظام
تحتمى سامياته بالوفا وتحماه = والله انك بوقفاتك عداك الملام
ظامي المجد يقطع طيب مدك ظماه = ثم يصبح وحاله بك على مارام
نامت عيون حي يذكر انك وراه = طيب غيرك دعايه وانت طيبك غرام
كل من طاب طيبٍ عاليٍ مستواه = مسك طيب ختام الطيب به والسلام
أخوك المخلص
عبدالعزيز بن سعود بن محمد آل سعود