[مخــاوي الليل]

بسم الله الرحمن الرحيم ..

السلام عليكم ورحمة ربي وبركاته ..

أخواني مرتادي منتدى الشعر .. يطيب لي أن أنير هذه الصفحه بقصيده للشاعر الفذ ( سفر بن نهار الثوري ) .. والتي شارك بها في حفل ربعنا الصمله والحقيقه القصيده تمثلنا جميعاً لأنها تتحدث بلسان الجميع وعن القبيله حتى ولو كانت مختصره نوعاً ما ..

وأتمنى من الشاعر إذا كان من أعضاء منتدانا أن يعذرني لأني نقلتها بدون أذنه وحصلت عليها عن طريق الصدفه .. وأحببت أن تشاركوني قرائتها ..

أليكم القصيده ..

سلام يا هل الحفل والموقف الزين=سلام يا مجد(ن) تعلت أعلامه
الدين يجمعنا على العسر واللين=والطيب ساس أهل الوفا والكرامه
والاد صامل فالمواقف وفيين=ياسعَد منهم فالمواقف حزامه
بيض الوجيه اللي على الطيب ضارين=أهل المراجل والكرم والشهامه
وربعي اليا عدت فعول وبراهين=المجد فالتاريخ خذنا وسامه
سبعان لامن دون الفعل تدوين=شجعان لامن عدت بنود القرامه
والعشر اللي دونت بالعناوين=فوق الركايب يوم نقرة سنامه
لو وصلوا الضفه تحرر فلسطين=قدام ساعات الحشر والقيامه
عادوا لها مجد (ن) مثل يوم حطين=والا مثل وقفاتنا فالرغامه
نمشي على وجه البسيطه شجيعين=ونبقى على عهد(ن) ورثنا احترامه
نوفي بحق الله فالشرع والدين=والدين حنا اللي نصرنا إمامه
آل سعود أسياد الأرض السلاطين=ملوكنا روس العرب والزعامه
وآخررررر علوم سبيع قدام شهرين=مابين قصر الحكم وقصر اليمامه
عند الامير اللي رجح بالموازين=سلمان ساس العدل والاستقامه
وقفت وفااااا ما بيننا والقحاطين=فالجود والمعروف زدنا علامه
( أبن دهيم ) اللي زهى بالقوانين=من دون جاره ما تجيه الملامه
فعل (ن) يشيد بين الاقصى والادنين=من بحر جده لا خليج المنامه
وكل القبايل نعم بالفعل شهمين=وكل (ن) يثبت بالفعايل كلامه
يقووولها ( ثوري ) بجمع الكريمين=عن لابته بالحفل يوصل سلامه
وأختامها اعداد فوج الملبين=واعداد ما هلت مزون الغمامه
على الرسول اللي بعث للثقالين=شفيعنا يوم الحشر والقيامه

وصح لساااااان الشااااعرررررررررررررر ..