[ماضي المديري]

الشاعر / مدغم ابوشيبه

غـابــت نـجــوم الـسـمـا كـلـهـا والله درا = عـن وليـفٍ دار عامـه ويـومـه وشـهـره
يـاوجـودي كــل مـاطـرّف اللـيـل وســـرا =مـاحـدٍ بـشّـر بـشـوفـه و لاجـــاب خـبــره
اليديـن أمسـت مـن مصافـح أيديـه فقـرا = والعيـون اللـي فـضـح دمعـهـا مايسـتـره
أن تـذكـرتــه تــذكــرت دمـــــعٍ مــاجـــرا = قبـل مايجمـع زهابـه علـى وجـه سـفـره
راكـب اللـي صمـمـوه لمشـايـخ وومــرا =مـابـعـد حـــرّك سـويـكـه ولا دار كــفــره
لـو دفـع متوسـط الـدخـل دخـلـه مـاشـرا = لــــه مـديـلـيّــة مـفـاتـيــح والا مـنــظــره
رنّـة بلوفـه اليـا فـاع مـن فــوق الـثـرى =كنّهـا صفـق الهبايـب عـلـى فـنـد شـجـره
رنـج روفــر مـاقـرا لـونـه الـلـي مـاقـرا =افتح من المستكا .. واغمق من السكره
ان نطحتـه مـن قـدم وأن قفيتـه مـن ورا = كـن (سحمـان بـن ملحـم) ملقيـك ظـهـره
الـحـزام الـلـي يـحـزم الظـهـور اليـاطـرا = طـاري الفزعـات والـكـذب مافـيـه ثـمـره
في المنافذ والمسـارات مايمسـك سـرى = الـبــلاط يحـشـمـه .. والــرمــال تــقــدره
جرتـه يمشـي علـى راحتـه يـاهـل تــرى = شفتهـا فـي دقــة البـشـت والا البنـجـره؟
ياصـلـه ويعـلـمـه وأن درا و ان مـــادرا = أن قلـبـي فـــي غـيـابـه مـعـلّـق بـشـعـره
لايحـسـب أنّـــي نـسـيـت ورب أم الـقــرا = ماتـنـسـا طـلــع تـيـنـه ونـفـحـة عـنـبــره
ايـتـداركـنـي قــبــل ضـيـعـتـي والا تــــرا = ضـعـت ضيـعـة دم رجــالٍ اهـدرتـه مــره
لايفـكـر فـــي بـــرا الـجــرح والا مـابــرا = واضـح اللـي فـي النعـش رايـحٍ للمقبـره
ويحـفـظ قــدر المحـبـه ويبـقـا فــي حــرا = جـيّـةٍ مـنّــي وغـصــن الـغــلا لايـكـسـره
ويخبر اللي في التمـادي تطـاول و افتـرا = يكسـب المعـروف بالعفـو عـن المـقـدره
لايـجــاور وردةٍ فـــي ظـــلال وفــــي ذرا = ماسـقـاهـا دمـــع عـيـنــه ولا دم نــحــره
ويـش عـذره كـل ماطـرف اللـيـل وســرا = وألـتـفــت أدوّر عــيــال وأدوّر مــــره !!