كلمت بعض الاخوة من الفراعنة واستشهد بقول المؤرخ الثقة والذي يشهد على صدقه الاجناب والاصحاب وهو فهيد بن شويع وقد يكون اصدق المؤرخين حاليا لأنه لا يتحيز لأحد وانا مستعد على ذكر اسماء الباقين
ووجدنا الأخ ذياب السويدي التبس عليه الوضع في هية الغر بين يام واي فخذ من سبيع
كانت الهية يا ذياب بين الفراعنة وبين يام وعلى راس يام شديد بن مجهار طال عمرك وهو عقيدهم ذاك اليوم ولم يكن فيها اي واحد من السودة من غير قصور في خيالة الشعثا بس الصدق زين وخيالة الشعثا غنيين عن اخذ سالفة ماهيب لهم لأن تاريخهم زاخر بالبطولات
وحضر هذي المعركة من الفراعنة النواصر الثلاثة ناصر بن سعد الطليحاني وناصر بن محبوب الجهر شيخ الفراعنة وناصر بن ناجم الغضياني وحضرها الفارس المشهور خالد بن مثقال ودليلها قول اليامي يوم ضيع ذلوله وجاته ناقته عقب فتره يوم يقول :
يا مرحبا يا فاطري زينة الدلي
كما جلبةٍ وان هب وبل دقل فيها
تحمدت ربها جابها من ورا سلي
وانا قد قطعت الياس مانيب راجيها
فضيض مع الذلان ما هو طبعٍ لي
وعيني تخيل الجاذيه هي وراعيها
مير بن محبوب ليا تلها تلي
يخلي كبار الروس تقصر هقاويها
الى آخر القصيدة وورد فيها ذكر خالد بن مثقال القنافذة من الفراعنة
والقصيدة موجودة في كتب عدة منها كتاب مؤرخنا الحضبي
ومات فيها عبيد بن ناصر بن محبوب
الصدق حبيب الله يا ذياب
وبالنسبة للحبيشية واللي هي يعايم السودا فكما قال شيبان الفراعنة حرفيا كان فيها قصيدة لشيخ من شيوخ يام يقول عقب قتلة آلحبيش :
يا واصل سحمي تراني خلافه
مر على دهيا ومر قلايلي
يا حيسفا يا غلمة في يعومه
كلتهم الرمضا وذوب الفتايلي
كم كرمة ناديت جاري عليها
واقول نادوا لي قريمط ودايل
قريمط شيخ الفراعنة في وقته من الجهران
ودايل فرسان الفراعنة
ورد عليه قريمط وقال :
يقول الشقاوي والشقاوي قريمط
ليا غوي غيري ما غويت المثايلي
كلام احلى من لبن شمخ الذرى
ترعى النقيضا في عذي المسايلي
لا جت تناحى من ضميري لكنها
تنحاي وادٍ غب الامحال سايلي
يدهوننا بالبوق والبوق عندهم
يدهوننا به ذاهبين الحنايلي
يا هيه عينتوا حريميس عندكم
عقب العشا دمه على الفرش سايلي
ربع تقاضوا بالربايع بينهم
يا عنك ذا شد على الجار مايلي
كم كرمة ناديت جاري عليها
ولا اعدها لو كان فيها نفايلي
وقصتها مشهورة ومتواترة عند قبائل سبيع واذا بغيتوها ابي اجيبها لكم
وذكر في القصيدة مرشد وهو جد الخواطرة من آل محمد من الزكور من سبيع
وقد كان يمد الفراعنة بالماء وقت المعركة
اخوك : سحمي بن حطاب الملحي السبيعي