[مخايل الغربي]

المشاركة الأصلية كتبت بواسطة أبــو بنـــدر

صح لسان الشاعر مسلط بن شعيفان الازمع ال ابو اثنين

ولاهنت يامخايل الغربي على النقل الرائع

--------------------------------------------------------------------------------

مضى درو الشهر ماجا من اهل المشكله مرسال =ولا اوحينـا بجاهـيـه ولا طلـبـه نلبيـهـا
خطاكم لاجهلتوا مـن غواكـم يزعـل العقـال =ثقال عقول لازعلت وش اللـي عـاد يرضيهـا
مشيتوا بالجهاله ليـن ميـزان الليالـي مـال= وتساوت في نظركم روس ذاالعالـم ورجليهـا
وانا لولا صدى الذكرى يعرجبي علي الاطـلال =نسيت امـور قبـل اليـوم خابرهـا وناسيهـا
الا ياوهني اللـي مـن الذكـرى خلـي البـال =عيـونـه مايشقيـهـا ونفـسـه مايعنيـهـا
وانا لامن ذكرت الخد ابـو دقـه وحبـة خـال =وصـوف جـل خالقهـا مصورهـا وباريـهـا
كماقطعةسحابة شعف صيف في جبيـن هـلال =سواد الليـل ناشعهـا ونـور البـدر كاسيهـا
وطرالي طيف زول لامشى في مشيتـه يختـال =تحسب انه يعد اخطـا خطـاه اللـي يخطيهـا
انا اركد لاصدفني بس الارض يصيبها زلـزال =الايطيب الارض اللـي تقـدر رجـل واطيهـا
وطرالي يوم انا وياك في عمر الصبـا جهـال= زرعت الزرع في صبخا بياض الملح غاطيهـا
وطرالي عشرة راحت بمكسبهـا وراس المـال= ودريت ان عشرة البـواق ماتجنـي ثماريهـا
خليلي صابته خلـه وهـو مايلبـس الخلخـال= حلف مايلبس الحليـه وهـو لونـه يحاليهـا
الا ياناكر العشرة ترا رشاهـا علـى المحـال =وتبـي تظهـر خوافيهـا لياسقنـا سوانيـهـا
وانا لولا كلام الناس واخشـى قولـة القـوال =ان اكشـف مغطاهـا واسميهـا باساميـهـا
لكني قمت اخيل لي خيـال فـوق روس جبـال= لعل سيولها تسـري وتجـري مـع مجاريهـا
شطنا حال عن حال وحـن مختلـف الاحـوال =حشا مانـاب نشعلهـا لكـن منـاب نطفيهـا
ويقولون الصبر حكمه يعـزز موقـف الرجـال =فلاشـكـوى رفعنـاهـا ولاروس نوطـيـهـا
اخاطب لي عوارف تعـرف المظهاروالمدخـال =تسمـع بالعقـول اللـي تلقـا قبـل اذانيهـا

بسم الله الرحمن الرحيم
الاخوة الافاضل السلام عليكم ورحمة الله وبركاته وبعد اشكركم على المروربالقصيده وصح لسان الشاعر والشكر موصول للاخ فتى العزه وانتم سالمين والسلام