يا ابن سلمان ما تهدي لي تعميرة=كود مز الزقارة يطرد الهم عني
قالوا الناس (ريض) قلت ياربي الخيره=كيف (اريض) وبعض البيض ما (ريضن)
قالوا الناس شايب قلت ماهوب عيره=العذارى بنجل عيونهن شيبن
مل قلب تولع با لمهاة الصغيرة=والنهود بحشاها تو ما بينن
ان مشت با وسط الخفرات ماهى القصيرة=واطول البيض با لمقعد ليا قعدن
عينها عين حر شاهر من مطيره=شاف جول الحباري في البطين ادرجن
وراسها ذيل شقرا شعشعت للمغيره=يوم صاح المصيح والجموع زبرن
ناصر.. القلب شبت فيه مثل السعيرة=كنتي الازرق الدخان شغلي وفني
حسبي الله على من لد خلي بجيره=يوم حسب جدوده قال مهوب مني
الشاعر / غريب الشلاقي