[مصلح ربح]

مفلح بن الحميدي لاهنت على نقل هذه الرائعه للشاعر مسند بن سعود

وبن جروه ذخر لقبيلة سبيع عامه ونفتخر في هذه المحبه والتلاحم


ونسال الله الايفرق بيننا تقبل خالص الشكر

في مدح راعي الطيب نظم الشعر زان=والشعر في الطيب تناسق فنونه
ينقاد له قود المقاويد بعنان=وتلين صعباته وتمشي لحونه
يفتح لها فعل أبيض الوجه بيبان=وفيض القريحه له تلاعب طرونه
وأن قيل منهوا قلت هذا كحيلان=ومن الذي بالطيب ما يعرفونه
هذا مناحي بيرق العز لا هان=من لابة ياجعل ما يفقدونه
مناحي ولد هاجد سلايل هل الشان=معروف لاهل الطيب ما يجهلونه
مناحي ولد هاجد فنا قرح الظان=اللي بوقت العسر تندا صحونه
يجود بالموجود من غير ميزان=وجودة كثير الناس ماياصلونه
مراجلة صعب على فلان وفلان=أهل العزوم الدون ما يلحقونه
ليثاً يرحب كل ما جاه ضيفان=يرحب بك لسانه وتضحك سنونه
مكبر المجلس لذربين الأيمان=مجلس شرف وأهل الشرف يدهلونه
رجل الوفاء حبس الوغى فدح الأقران=طيبة تعدى وصف من ياصلونه
والشعر ما يوفيه لو زاد قيفان=مجده يوقف وافي الشعر دونه
نرفع له البيضاء على راس ما بان=أثنوا عليه البيض يااللي تجونه
أهدى علي مهند السيف شامان=رمز الشجاعة لاجلنا يرخصونه
وأهدى علي البشت وسيع الاركان=رمز التجمل عند من يلبسونه
وكل المراجل عادته طير حوران=من راس بن جروه موسع طعونه
من لاد صامل من صناديد شجعان=قوما لها التاريخ شيد حصونه
متوارثين الطيب من ماض الأزمان=والطيب لو هو مهنة يصنعونه
والله لو إن الطيب يشرى بالأثمان=كان العرب من عندهم يشترونه
دائم لهم في قمة المجد عنوان=يستاهلون المدح يستاهلونه
أهل الشجاعة لا رقص كل شيطان=ثم غطرف المجمول داعج عيونه
إلى جاء العناد وخالط العج دخان=وصاحو وكل مجرباً يزهمونه
تظهر مواقفهم جلية بالأكوان=عدوهم لا زف ما يرحمونه
إلى زعزعوا صامل على الخيل فرسان=كم عايل بسيوفهم يجدعونه
سور البلاد إلى عواء كل سرحان=هل موطناً من ضدهم يحتمونه
وأهل الوفاء لا عاهدوا ماحداً خان=ودخيلهم من طالبه يمنعونه
وأهل الخوي والجار والضيف كرمان=والراس بفعول الشرف يرفعونه
مانيب في مدح المناعير غلطان=ربعاً لساني بالفعل يطلقونه
تمت وصلى الله على نسل عدنان=وإعداد ما هل المطر من مزونه