[عايض ابوشيبه]

يابنت ياللي داخل السوق تمشين =في نظرتك من طابلك تسحرينه
يابنت أنا ماني من اللي تضنين =ماني من اللي قلبهم تاسرينه
ماني من اللي ينحني لجل ترضين =ويذل نفسه لأجلك أتسايرينه
ماني من اللي يتبع لناس غاوين =مافيهم اللي صان عرضه ودينه
ضعاف النفوس اللي على الشين ضارين =ثوب الحياء في عرفهم فاسخينه
لاتتعبين النفس باللي تسوين =مأرضى لنفسي باالخطاء والغبينه
نفسي عزيزه يوم نفسك اتهينين =نفسك من أسبابك تراها حزينه
قلبي عشق من همها نصرت الدين =بنت الرجال العاقله والرزينه
فيها الحياء والستر واضح من اسنين =بنت الأصل والفصل ماهيب شينه
بوصافها تدخل أقلوب المحبين =وكلن تمنى في زمانه تعينه
هاذي مناتن للرجال الفهيمين= اهل الوفاء وأهل الفعول الثمينه
وألخاتمه بمشي على منهج الدين =بطيع ربي وأتبع مرسلينه