[سعد المحمدي]

المشاركة الأصلية كتبت بواسطة مبارك البخيت

قالوا الوقت أختلف قلت لله مختلف = تختلف الأجيال والوقت مافيه إختلاف
الأختلاف يصيب الإنسان لامنه أنحرف = والأدواك يعترضها معاصي وأنحراف
والتغيير صار لوّل طرف وآخر طرف = والسنين تدور والوقت ماعنده إخلاف
تختلف الأجيال في مابقى واللي سلف = ومن عرف وزن الثقيله عرف وزن الخفاف
والكذوب ليا كذب مايصدق ولو حلف = لو جحدها في البدايه مصيره الأعترف
لو جحدها فالبدايه مصيره يعترف = يحسب أنه في مسيره يشوف ولا يشاف
ولو يطول ما انكشف مصيره ينكشف = كل شيٍ بالنهايه مصيره للأنكشاف
وكل شي بغير ثبتان رمي بلاهدف = كل زرع بغير مويه مصيره للجفاف
كم نفوسٍ من ترفها مضيعها الترف = والضعافه دايماً تطرح النفوس الضعاف
والجميله بالردي مثل كد بلا خلف = مثل شخص حج وحجّه بلا سعي وطواف
ومن مشاله درب ممنوع عوّد ما أنتصف = لو بغى درب الحرافه يضيّع الإحتراف
ومن تَمدّح بالمَصَارف وهو ماصرف = مايفرق بالليالي والأيام العِجاف
والبخيل بخيل ماله معرّض للتلف = حطّه الله في حياته يضيف ولا يضاف
ومن عرف ميزان نفسه وميزان الشرف = حطّه الله في حياته يخيف ولا يخاف
والمراجل تنوخذ بالمواقف والصدف = و الحظيظ اللي كسبها بحكمه وأكتشاف

الشاعر مبارك فايز البخيت السبيعي

غاية الابداع لرجل مبدع
اسجل اعجابي بهذه القصيدة