[مخايل الغربي]

المشاركة الأصلية كتبت بواسطة مخايل الغربي

بسم الله الرحمن الرحيم
السلام عليكم هذي سالفة ارويلي اول مره يسافر بالطياره يسمع بالطياره ولا يدري وشي الطياره
الزبده قاله خويه الطياره سريعه وتوصلنا لمكاننا اللي نبيه بسرعه لا اشارات لا مرور لا زحمه
استانس الرويلي قال يالله ابا اسافر بالطياره بالله بعبد الله غير اسافر بالطياره
قاله خويه ماهي مشكله نسافر بالطياره ولا يهمك
اركبو الطياره ويوم طارت وهو يذل وحرم انه يركبها بعدها
طبعا الرويلي من اهل القريات والقريات مثل مانتم عارفين بها مطار هاليودعه سافر منها
القصيده تقول :

وادعت ناصر من مطار القريات = يوم اركبتنا الطايره واشلعتنا
لفت ودارت وامرقت بين لحظات= ولولا الكراسي والمحازم رمتنا
طاروا بنا حمر العلابي خواجات= صفر العيون ووجيههم هولتنا
جانا المضيف قال وش من خدمات =قلت انزلونا ابطونا موجعتنا
تكفى تشهد يافهد واقرا الايات= الموت جانا والظروف اجبرتنا
من قبل اشوف الغيم دون السموات= واليوم اشوفه يا فهد من تحتنا
عز الله اني ما حسبته حسابات = والا ترى سيارتي موصلتنا
يازين ممشى الارض لوهو مسافات= بكل شعيب مسويين قهوتنا
وش جابني للطايرة والمطارات= والله فلا اعود اركوبها ان حلوتنا
لو تنفجر قامت تذيع المحطات= رح عاد دور قشنا مع جثثنا

هذي القصيده يا اخوان وتراني ناسي بعض الابيات فيها والعذر والسموحه منقول

بسم الله الرحمن الرحيم
المكرم الشاعر ابوبندر السلام عليكم ورحمة الله وبركاته وبعد تقول العرب من جهل شئ انكره وانت سالم وغانم والسلام