[وافي السبـيعي]

المشاركة الأصلية كتبت بواسطة مخايل الغربي

بسم الله الرحمن الرحيم

يعد الشاعر محمد الطنباوي العريني من أبرز شعراء سبيع في الفترة التي عاشها وقد لقّب بشاعر سبيع في تلك الفتره ويعتبر من الأدباء الكبار شارك في كثير ٍ من المعارك التي خاضها مؤسس هذا الكيان جلالة الملك عبدالعزيز رحمه الله والتي أدت إلى توحيد المملكة العربية السعودية وبعد ذلك رافق جلالة الملك فيصل رحمه الله عندما كان نائبا ً لوالده على الحجاز وبعد وفاة الملك عبدالعزيز تولى إبنه الملك سعود رحمهم الله مقاليد الحكم وكان من المقربين في حاشية الملك سعود وفي هذه الفتره نظم الكثير من قصائد المدح الرائعه في الملك سعود وأبنائه وبعد تولي الملك فيصل زمام الحكم رافقه وأنشد فيه قصائد كثيره تعتبر من عيون الشعر وعندما توفي الملك فيصل رحمه الله إعتزل الخوّة
ولد الشاعر/ محمد بن سعّيد بن مشعان الطنباوي العريني من قبيلة سبيع في سنة البكيريه عام 1322هـ في منطقة رماح وكان رحمه الله منذ صغره يقرض الشعر ويجيده وقد برع في جميع أغراض الشعر ومنها شعر الرد إلاّ شعر الهجاء فقد كان يكرهه ولا يتعاطاه وعرف عنه دماثة الخلق والشجاعه والكرم وكان طيلة حياته مخلصا ً وفيّا ً لوطنه حيث تفانى في خدمته في كثير ٍ من المواقع بإمانة ٍ وصدق رحمه الله رحمة واسعه وأسكنه فسيح جناته ويتميز شعره بقوة المعنى ومتانة السبك وسلاسة الأسلوب وفصاحة اللفظ والقبول لدى السامع وغير ذلك من المزايا التي لا تتوفر إلاّ في فحول الشعراء توفي رحمه الله عام 1418هـ عن عمر يناهز السابعه والتسعين عاما بعد معاناة مع المرض رحمه الله ومن قصائده هذه المرثيه في والده سعيّد بن مشعان الطنباوي والذي إشتهر بالكرم حيث كان يوزع إبله على جماعته كل عائله يعطيهم ناقة يمتنحونها ولذلك سميت إبل الطنباوي بإبل العرينات :

عشيـر جـاره بالعلـوم الجميـلات= يعطيه من ماله ويرفى جنابه
يفرح به الضيف الخلاوي إلى بات= ماخش بيته فلغباء وإلتوى به
ولا شال بين الربع نمّه ونقلات= ولاسبب الهدّات وألا الطلابه
وإلا ركب حمرا ً عليها الكلافات=يقدم مع اللي يحتضون الكسابه
ويحذي خويّه من بكار ٍ وخلفات=يوم إن خطو اللاش رزقه هبابه
عسى محله في رياض ٍ وجنات =وجعله يقّدم في يمينه كتابه
الله يخفف عنه يوم الحسابات=ياسامع الطلبه عليك الإجابات

ومن قصائدالشاعر محمد الطنباوي في مدح الامير الشيخ ابانايف وليد بن شويه رحمهم الله

ياراكب فرت يخفق تخافيق= تخفيق كدري تنشه حوايم
راعيه منجوب يدل الطواريق= مشغول بالمطراش ماهو بنايم
ملفاك ابونايف زبون المشافيق= في ساعة فيها تطير العمايم
لاجاء نهار الكون في حزة الضيق= يردها مابين طايح وقايم
له ماقف يرتاح به يابس الريق= فعل لابوه من العصور القدايم
وكم واحد حقت عليه التحاقيق= دخل وذرعانه عليها الحزايم
انجاه ابونايف من الحبس والضيق= بجاهه ومعروفه وقو العزايم
اللي محله مدهل للمطاليق= فيه الشحم والبن والهيل دايم
مقدم بني عمه بفعل وتوافيق= الى قضبوا صم الرمك بالشكايم
وربعي هل الغلباء سيوف دواليق= عدوهم يمسي من الخوف هايم
وربعي مروية الغلب بالمزاريق= يوم النشامى بين بايع وسايم
عنا يفكون الحلاق المغاليق= وناكل بهم واللي على الريق صايم
ولنا من السابق سلوم وطواريق= نثور بالملحه وندي اللوايم
وقصيرنا كنه بروس الشواهيق= يمشي وينزل في وسيع الخرايم
والمدح لاجاء الفعل مافيه تبريق= وكل على حقه حصان الصرايم

وانتم سالمين والسلام

قصايد قيمه بالحيل بيض الله وجهك يامخايل