[مخايل الغربي]

بسم الله الرحمن الرحيم

التايه الي جاب بصري يقنه ... هيض جروح العود والعود قاضي

جينا نحب ونطلب الله جنه ... جنة نعيــــــــم يوم يابس الحاضي

ياليت كانت حبتي في معنه ... يوم العيون عن الخوامل غواضي

يامن يعاوني على وصف كنه ... اشــقح شقاح ولاهق بالبياضي

الريح لازفرة ولاهي مصنه ... ريح النفل بمطمطمات الفـــياضي

نهدين للثوب الحمر شولعنه... حمر ثمرهن واقفات غضــــــاضي

والخد ذابوح القلوب المرنه ... براق مزنٍ لاعق الـــــــلون ياضي

ياليت لو سني على وقم سنه ... بايام مابيني وبينه بغـــــاضي

أيام جلد الذيب عندي محنه... نصبح وزرق الريش لهن إنتفاضي

ياجرح قلبي جرح وادي وطنه ... غر المزون اللي وطنه وفاضي

البيض قبلي محسنٍ عذبنه... ونمر على وضحى جرا له عراضي

والبيض كم ٍ واحد ٍ يبسنه ... يبــسة شماشيل العذوق النفاضي

عزي لمن غر الثنايا كونه ... واركن على كبده كوايًّ عراضي

الا التوى بستان قلبي سقنه... واخضر جنابه عقب يبست الحاضي

القلب غضات الصبايا شعنه ... بنت الشيوخ مـــــخدمين الحياضي

شوفي بعيني والخدم يركبنه ... على زعاع يوم قـــــوطر وناضي

فوق اشقح من زمل ابوها مضنه ... ركبة عليه اتشنطح ٍ باعتراضي

وامشجر من سوق هجر مغنه ... على خيـاطة نابي الارداف راضي

وين انت يامشفي على طردهنه ... انا طويت ارشاي وقفيت قاضي

انا صدرت ووردهن عقبنه ... على الـــــــعدو مشرعات الحياضي

احد بوسط النار واحد بجنه ... وترى البخــيت اللي له الرب راضي

وبعد مارجع الوضيحي ندم على مافعل وقال:

ياليتنا من حجنــا سالمينــا ... كان الذنوب اللي علينا خفيفـــات
.
رحنا نبي نخفف ذنوب علينــا ... وجينا وعليها كثرها عشـر مــرات
__________________