[أبوعبدالله]

المشاركة الأصلية كتبت بواسطة مخايل الغربي

بسم الله الرحمن الرحيم

وصف الشاعر الكبير غازي بن دخيل الله بن عون الدنيا او بقعا كما سماها حيث تكلمت قصيدته عن الدنيا واحوالها وضمنها بعض النصح وعندما تسمع اولها تظنها غزليه وهي غير ذلك وقد اسندها على صديقه ابو حمود قال الشاعر

عفاالله عن عين اليا من كل نام =جفاها المنام وسبلت ماء مدامعها
تفيض ومخازنها بزرق الدموع اجمام =ولاتقلع الا لين تنضب منابعها
اليامن عيني جفنها منامه شام= تجافا الجنوب من السهر عن مضاجعها
وقلبي يجي للهم منجاع واستجمام =هموم يقبلها والاخرى يوادعها
سبايب فتاة رمحها من ثمان اعوام =يخج الضلوع وبسرة الكبد فالعها
فتاة تخادعني بالاغضاي والسلهام =وتجر العواطف لين فيها تطمعها
اليا اقفت ترخي عن صغار الثمان الثام= وعن وجنة بالوشم الازرق ترودعها
ولاشفتها يقتادني شوقها بخطام =وريعت معها عقب صملت اقاطعها
اليا جيت اوادعها تقول الوعد قدام= وطمعت بمبادي وصلها من تواضعها
ولاكنت اظن وعودها لي خدع واوهام=ولااظنها يمشي علي تصنعها
ولاكنت اظن بحسنها قبلي احد هام =ولاقبلي اخذت جاهل في مذارعها
وبعد فعلها نيم الضحى من منامه قام =ودرى عن مغيب نجومها من مطالعها
دريت انها قد عذبت نسل حام وسام =نصوب لعوب ما تخلي طبايعها
تعشربلا زوج ونماها يجون اتوام =اليا اظنت نماها خانت اللي مبايعها
ياكم بايعت من روس قوم ومن حكام =بقت دورهم شهب قفور بلاقعها
خراب غراب البين فوقه يجر انغام= واهلها المنايا جودتهم باصابعها
غدى ذكرهم بين البرايا تقول احلام =تحت قاعها صرعا خلي مرابعها
وكم جندلت من فارس فالوغى مقدام =اصرعته وهو محتال فيها يصارعها
وبحر مكرها للي يعومون ما ينعام= ومن لا تطيعه ماله الا يطاوعها
اثر تركي بن حميد معذور ما ينلام =بدنياه لو حرج عليها يبيعها
ومثل ما ذكر تركي اليا صرت الاقلام =هل الحكي كثر الحكي ما عاد ينفعها
فلو البقى والمجد والعز لاحد دام =تجلت نجوم الانبياء في مواقعها
ولا نكست راية ملوك اليمن والشام =وهي مااحد يقدر من اول ينازعها
لكن البقى للواحد المؤمن السلام =فهو رافع الرايه بحكمه وواضعها
وبقعا مثل ما قيل لوانها تنسام =بعد ما ظهرلي مكرها مع مخادعها
لااحرج على بقعا مثل قرشة الايتام =واخليه لاحرج يقنع مقنعها
ولااستثني الا طاعة الواحد العلام =جزيل العطا مفني البرايا وجامعها
بيومن يثبت فيه للمؤمنين اقدام= ويجي فيه لاقدام الشقي ما يزعزعها
ورفقة مشاكيل عزاز حشام كرام= لضيقة ضميري عندهم ما يوسعها
ابادلهم الاشعار شروى هل الدمام =بروح عليهم دافع الشوق يدفعها
من الواد وادي سبيع نقريهم السلام =تحية شفوق من ضميره يروجعها
واخص الاديب ابوحمود الكريم اشمام =وعلى الربع مني بالنيابه يوزعها
وبازكى الصلاة الطاهره والسلام ختام =على مسس السنه ومعلن شرايعها

وانتم سالمين والسلام

بيض الله وجهك ما قصرت