اذكر الله والشياطين مربوطه=وابتدي في منهج النظم وانماطه
ذكر ربي يمسك بليس بزنوطه=لين كلٍ يعتدل خط صيراطه
الحلوق اللي للاعراض زاروطه=ما تخل المنسدح في تمغاطه
كنها عن كلمة الحق مخيوطه=كيف نقرا الخط ونصحح اغلاطه
من يميّز بين جزله ومغلوطه=كم عبيطٍ ماهرٍ في تعبّاطه
ما نميل كل عدله ومظبوطه=حط قدر اللي للاقيام حطّاطه
والفلوس تخلي الناس مبسوطه=والهدف تلميح وايضاح وايحاطه
كان فازوا بالملائين مسفوطه=فوزنا في مركز العز وانواطه
مير انا بحكي عن الوقت وشطوطه=والحياة وضعف الانسان وافراطه
وقتنا فيه المفاهيم مغلوطه=فيه مقلب كرسي العقل وبساطه
اصبحت قيمة هل المجد محطوطه=وفاز فيه اللي على السور مقلاطه
وفيه صارت كلمة الحق مغطوطه=غط نور اللي للانوار غطاطه
والوجيه اللي لها قدر مقطوطه=ومن طموحه عاليه مات بحباطه
وفيه ضاعت قيمة الهرج وشروطه=العبوا في حسبته كل هيّاطه
كل من جمع من الشعر خربوطه=شدّ صوته وازعج الناس بخراطه
واصبحت في نشر الاعلام مخطوطه=طولها في عرضها متر وفراطه
الحياة اللي بالابداع مشبوطه=عاث فيها من يسوطه بمسواطه
ومن غرايب دورة الوقت وشطوطه=في الحياة وضعف الانسان وافراطه
قام ديك الروم يومي بشعطوطه=ويخبط روس النوادر بمخباطه
الحرار اللي على الصيد صالوطه=صار معظمهم كراوين وبطاطه
وادبت عكفان الاشناب شرموطه=وساعة اسره قوم الحرب شلحاطه
لقطةٍ من ساحل الغرب ملقوطه=سببت للشرق الاوسط تلخباطه
امرحت مع هجعة الناس مشحوطه=واصبحت لرقاب الابطال شنّاطه
يا عجب من دورة الوقت وشطوطه=في الحياة وضعف الانسان وافراطه
كيف نفهم والمفاهيم مغلوطه=وين ودّوا كرسي العقل وبساطه
سبحت مع أفكار علي بن ربح وأبحرت في بحر النوادر
,,,,,, الله الله على الإبداع ياعلي صح لسااانك يابوعبدالله
لا أستطيع إقتباس بيت واحد من هذه القصيده لأن جميع
أبياتها ذات ذائقه شعريه عاليه لاهنت