يا عسى يمناك في الشحم
ايه ايه ايه يالعويد
هذولي سوالف نادرة واول من طلعها شاعر سبيع وراويتهم الكبير :ناصر الفراعنة
وهي في شريط يسوى كنوز الذهب
كان ناصر فيه يسولف بسوالف سبيع وبمعاركهم وبشي اغلب سبيع ما عندهم خبر فيه او معلوماتهم فيه ما هيب بالحيل
وجاني واحد الله يصلحه وخذا الشريط وشفتك ولا شفته
مير الشريط واضح انه عندك وابيك تعلمني بطريقة بحيث تعطيني منه نسخة
لأنه شريط ما بعد قيل في سوالف وفعول وتاريخ سبيع مثله ولي ذلحين سنتين وانا ادوره
واكثر كتابنا اللي يكتبون عن سبيع ماخذين منه سوالف واجد ..بس مدرس وش قومهم ما يبون يعلمون انهم ماخذينها من ناصر ؟
الظاهر يبون يحطون الفضل لهم ..والصحيح ان الفضل بعد الله سبحانه وتعالى في اظهار سوالف سبيع وتثبيتها لناصر الفراعنة بعد الله سبحانه وتعالى .
حتى الاجناب الى واجهناهم يقولون والله ما عرفنا تاريخ سبيع صحيح الا عقب اشرطة ناصر الفراعنة اللي يوضح فيها فعايل سبيع وقصايدهم
ايه هذا ناصر الفراعنة اللي طلع سوالف سبيع وتردى بعضهم عنده جعل الله يردي حيلهم من وين ما وجهوا