[مخايل الغربي]

بسم الله الرحمن الرحيم

إخواني الكرام / أعضاء ومتصفحي منتديات قبيلة سبيع بن عامر الغلباء السلام عليكم ورحمة الله وبركاته وبعد : بين يدي القصيدة الشاملة وهذه أبيات منها وهي لشاعر القبيلتين الكبير / دسمـان بن مناحي المحـمـدي السبيـعـي الــــمـــــراجـــــع كتاب سوالـف الطيبيـن للأستـاذ / عبـدالله بـن سـعـد الحضـبـي وكتاب جـزلات المثايـل للشاعـر / دسـمــان بن مناحي المـحـمـدي السبيعي وهي من القصائد الخالدة التي نالت إهتمام أهل الأدب فإليكموها :

حنا سلايل عامـر بـن صعصعـه= ساس الوفا مروي شبـات الـزان
له سطوة تخشى الأشاوس شرهـا= وله نجـدة تلجـا لهـا الشـردان
فارس هل الهيجـا وسيـد قومـه= سابع جـدوده قيـس بـن عيـلان
ابـن مضـر بـن نـزار الفـارس= متسلسل مـن راس ابـن عدنـان
كعـب وخالـد إخـوان المنتـفـق= وسبيـع واّل أبـو هـلال إخـوان
خمسة خوان مثـل مشـط البنـدق= الـمـاء والكبـريـت والخـفـان
رحـب بوافدنـا النـبـي محـمـد =بيـن الحـرم والضلـع والريعـان
حنـا سبيـع اللـي نتيـه جارنـا= نـار الحريـب وجنـة الجـيـران
حنـا هـل الغلبـاء سلايـل عامـر= يا ناشـد عـن حيـنـا سبـعـان
يوم الدهـر حنـا هـل المثلوثـه= وإلا الرخـاء كـل العـرب كرمـان
لنا مع أهـل العـز عـز وهيبـه =ومنا الخـصـال الطيـبـه ثـمـان
زود على أهـل الطيـب والفعايـل= فزنـا بهـا مـن بـدة العـربـان
أربع فروع سبيـع وأصـل واحـد =ويظهر من بطون الفـروع أبـدان
بنـي عمـر كسابـة المفـاخـر= يا جاهـل بنـي عمـر قسـمـان
أقـول هـم قسـمـان لا ثـلاثـه =هم الصعبه وإخوانهـم الخضـران
ومن الصعبـه جملانـي ومديـري= لا جـات حـزات الوغـى ظـفـران
ومنهم العزه واّل علي أهـل الوفـاء= لهـم بصفحـات الفخـر عنـوان
أما من الخضران أعد لـك أربعـه= اّلاد الصميلي أهـل فـرس وعنـان
واّلاد العرينـي والجبـور أعـدهـم= إليـا فضـوا جمـع غـدا شتـان
وقوم النبطه اللـي يضـدون العـدا =في ساعـة فيهـا الجبـان يهـان
أما بنـي عامـر إليـك أقسامهـم= ربـع ترجـح كـفـة المـيـزان
هم الضعفـه لا ضعـف الله حيلهـم =مرويـن حـد الفيصـل العطشـان
وأيضا القدعا والعياديـن ضربهـم =بمشـلـلات تنـثـر الـدمــان
وبني حميد هم وعجمـان الرخـم =أخصامهم مثـل الخشـب نطـلان
ومنهم الصيافا ضربهم في الهامـه =يوم إن ضرب اللاش في الكرعـان
وقـواوده لا صـاح صايـح هيـه= تفتـح بثغـرات الـعـدا بيـبـان
وإليكـم اّل عميـر درع ضـافـي =قيـف مـن الحـره إلـى رنقـان
الصندلـي والمشعبـي غاراتـهـم= تــودع صنـاديـد الـعـدا ذلان
ونطّاح صالات الحفيـف مفيلحـي =ومكاحلـه كالـنـار والبـركـان
وإن جيت أعد لك الزكـور فجدهـم= راعـي شـداد ومكـرم الضيفـان
هـم الزكـور ومنهـم اّل محمـد= فـرز الوغـى لا عسكـر الدخـان
ومنهم السوده والجهوم وضربهـم =بأعلى الصدور ومقـرن الحجـان
وأيضا الملوح موردة عـود القنـا =صــوارم ما فيـهـم الـرديـان
ومليح والروبـه مقابيـس الدجـا= شريـد حاربهـم يجيـه اجـنـان
ومنهم بني ثور السبـاع الضاريـه= قبلـي ذكرهـم شاعـر العضيـان
ومنهـم قريشـات لهـم مواقـف =يا ما خذوا مـن مهـرة واحصـان
ومنهـم مراغيـن صليـب رايهـم= مرويـن مفتـوق الشبـا شامـان
وفريعنـي راعـي جـواد وحربـه= وبيـت الشجاعـه والكـرم وزران
ومنهم شماسات ينومـس فعلهـم= ودخيلهـم يامـن مـن الـديـان
أيضا وشبـاب الحـروب مجمعـي= لـه منسـف للـي يجي لـه عـان
حنا سبيع أهل الشـرف والشيمـه= ما نكتسـي بالملـبـس العـريـان
حنـا سبيـع اللـي نتيـه جارنـا =نـار الحريـب وجنـة الجـيـران

منقول وأنتم سالمون وغانمون والسلام .