[بن منصور]

*يـا ليتنـي خدامـة بيـن اياديـك .. من شان اشوفك كل يوم برضايـا*

هذي قصيده مؤثرة لأم تشكي حالها بعد أن ...

أودعها..أبنها.. للمصحه (دار العجزه) او كما يقال

( دار النسيان.........الله المستعان ...

والبيت أعلاه يبكي بعدأصحاب القلوب العصيه ...(القاسيه )...

اترككم مع القصيده........................................... ...................ماجورين
.................................................. .................................................. ..

وين انت يا حمدان امـك تناديـك ..... وراك مـا تسمـع شكايـا وندايـا

يا مسندي قلبي على الدوم يطريـك ..... ما غبت عن عيني وطيفك سمايـا

هذي ثلاث سنين والعيـن تبكيـك ...... ما شفت زولك زايـر يـا ضنايـا

تذكر حياتي يـوم اشيلـك واداريك . ..... والاعبـك دايـم وتمشـي ورايـا

ترقد على صوتي وحضني يدفيـك ..... ما غيرك احدٍ ساكن فـي حشايـا

واليا مرضت اسهر بقربك واداريك ..... ما ذوق طعم النوم صبـح ومسايـا

ياما عطيتك من حنانـي وبعطيـك ..... تكبـر وتكبـر بالأمـل يـا منايـا

لكن خساره بعتني اليـوم وشفيـك ..... واخلصت للزوجه وانا لي شقايـا ...

انا ادري انها قاسيـه مـا تخليـك ..... قالت عجـوزك مـا ابيهـا معايـا ...

خليتني وسط المصحه وانا ارجيك .....هذا جزا المعروف وهـذا جزايـا ...

يـا ليتنـي خدامـة بيـن اياديـك ..... من شان اشوفك كل يوم برضايـا ...

مشكور يا ولدي وتشكر مساعيـك ..... وادعـي لـك الله دايـم بالهدايـا ...

حمدان يا حمـدان امـك توصيـك ..... اخاف من تلحق تشـوف الوصايـا ...

اوصيت دكتور المصحه بيعطيـك ..... رسالتـي واحروفهـا مـن بكايـا ...

وان مت لا تبخل علـي بدعاويـك ..... واطلب لي الغفران وهـذا رجايـا ...

وامطر تراب القبر بدموع عينيـك ..... ما عـاد ينفعـك النـدم والنعايا ...

(حسبنا الله ونعم الوكيـــــــــل) ...

الله يكون في عونها آميــــــن ...

ماكان بودي .. ولاكن لتذكير كل من له أم أوأبو أن يتقي الله فيهم ...

واناما عندي أدنى شك في أبناء حمولتنا...على الأطلاق بأذن الله ...

نسأل الله أن يجبر خـــــــ هلعجوزــــاطــــرفي الدنيا و الأاااااخره ...

العذروالسموحه لكل من ذرفت عينه...عرفتوليش كذااا العنوان ...

تقبلو..مودتي ،،،