اسعد الله مساكم جميع؛؛؛متواضعه ومصافحه اولى وامل ان تسمحولها بالمرور
من فيض ماكنه هجوسٍ مارده بحراً غزير=غبة بحر وامواجها تصفق يمينه بيسره
تسعين قامها طولها وأتحير افكار البصير =فيها لبيب المعرفه يحتار فكره وبصره
والحمد لله واشكره مالي عوين ولا خشير=الله عطانيها واحمد الله عليها واشكره
منها استمد القوه اللي حدها حد الشطير=سيفٍ يشيل السم بطنه والمنايا بظهره
يامفردات الشعر غوصي واسبحي بحرالضمير=واسترسلي من قوةٍ داخل محيطه وبحره
حسبي على منهو حداني واعترظلي فالمسير=شيطان ابن شيطان زيره كل ليله ينقره
ياللي على المقفي راحتك بالنمايم تستدير=عطني نهايتها معك واللي سواتك نستره
هاذي ثلاث سنين ساكت عن علومك ياحقير=أمحشمين الكلب من حشمة هله وانقدره
لآكنها طالت ووصلت للكبير وللصغير=واليوم من فوق الصفا نوّخ بعيرك واهجره
نوّخ بعيرك والرغى مكروه من عقب الهدير=كمٍ غشيمٍ وقعت شلفاه في عرّض انحره
قدام لآتصبح على راسك عبوسٍ قمطرير=درب السلامه من بغى درب السلامه يعبره
هاذي رساله رمزها ماهوب مجهول المصير=تاصل بريدك والمعاني والحروف مشفره
وليا قريت حروفها راجع ضميرك واستخير=العقل مابينه وبين الجن ياكود شعره
وان عدتها والله لتونسها على الضلع القصير= وان كان ماني قدها قولوا ترا مقعد مره